Barin inqilabining 32 yilliqi munasiwiti bilen istanbulda shéhitlerni xatirlesh murasimi ötküzüldi

Ixtiyariy muxbirimiz arslan
2022.04.06
Share on WhatsApp
Share on WhatsApp
Barin inqilabining 32 yilliqi munasiwiti bilen istanbulda shéhitlerni xatirlesh murasimi ötküzüldi Barin inqilabining 32 yilliqi munasiwiti bilen istanbulda ötküzülgen shéhitlerni xatirilesh murasimida jama'et erbabiy abdulqadir yapchan söz qilmaqta. 2022-Yili 5-aprél, istanbul.
RFA/Arslan

5-April, yeni seyshenbe küni merkizi istanbuldiki xelq'ara sherqiy türksitan teshkilatlar birlikining uyushturushi bilen barin inqilawining 32 yilliqini xatirilesh, shéhitlarning rohigha atap du'a qilish murasimi ötküzüldi.

Murasim istanbuldiki Uyghurlar köp olturaqlashqan sefaköy rayonda ötküzülgen bolup, murasimgha 700 dek Uyghur jama'iti qatnashti. Murasimgha yene istanbuldiki sherqiy türkistan ijtima'iy teshkilatlirining rehberliri, ölimalar we ziyaliylarmu qatnashti.

Murasim qur'an kerim tilawiti bilen bashlandi, murasimda xelq'ara sherqiy türkistan teshkilatlar birlikining re'isi hidayetullah oghuzxan söz qilip, barin inqilabi we bu inqilab jeryanida shéhit bolghan qurbanlarni eslep ötti.

Barin inqilabining 32 yilliqi munasiwiti bilen istanbulda ötküzülgen shéhitlerni xatirilesh murasimidin körünüsh. 2022-Yili 5-aprél, istanbul.
Barin inqilabining 32 yilliqi munasiwiti bilen istanbulda ötküzülgen shéhitlerni xatirilesh murasimidin körünüsh. 2022-Yili 5-aprél, istanbul.
RFA/Arslan

Hidayetullah oghuzxan, buningdin 32 yil burun barinda yüzligen Uyghur yashlirining sherqiy türkistanning azadliqi üchün quralliq qozghilanggha tayyarlan'ghanliqi, ularning eyni waqitta xitaydin ibaret zor küchke qarshi quralliq heriketke ötüp, san we qural küchi jehettin özliridin mutleq üstün turudighan xitay armiyesi bilen qehrimanlarche jeng qilghanliqi, bir hepte dawam qilghan qanliq jengde köpinchilirining shéhit bolghanliqini eslep ötti.

Hidayetullah oghuzxan yene barin inqilabining sherqiy türkistan xelqide, bolupmu yash ewladlarda xitayning zulumidin qutulush, sherqiy türksitanning musteqilliqini qolgha keltürüshtin ibaret siyasiy angning yétilishide intayin muhim rol oynighan bir heriket bolghanliqini tekitlep ötti.

Hidayetullah oghuzxan sözide yene barin inqilabidin kéyin chet ellerdimu siyasiy heriketlerning kücheygenlikini we sherqiy türksitan dewasining xelq'aralishishqa bashlighanliqini bayan qilip ötti.

Arqidin sherqiy türksitan ölimalar birlikining re'isi doktur atawullah shahyar söz qilip, barin inqilabidin tejribe-sawaq we ders élishning zörürlikini tekitldi. U, sherqiy türksitan shéhitlirini xatirligende, ularning ish-heriketlirini bügünki yashlargha tonushturush, bolupmu muhajirettiki yash-ösmürlerge tonushturush kéreklikini tekitldi.

Doktur atawullah shahyar axirida yighin ehlige xitap qilip, erkin dunyada yashawatqan pütkül sherqiy türkistanliqlarning, jümlidin ölimalar, ziyaliylar we teshkilat rehberliri we her sasediki Uyghurlarning weten-millet üchün birlik we ittipaqliq ichide ish élip bérishining zörürlikini tekitlep ötti.

Axirida jama'et erbabiy abdulqadir yapchan söz qilip, barin inqilabining ehmiyiti we tarixiy qimmitini yekünlep ötti. U barin inqilabining 1990-yili 4-ayning 5-küni sherqiy türkistanning barin yézisida qozghalghan, xitay ishghaliyitige we xitayning sherqiy türksitan xelqi üstidin yürgüzgen zulumlirigha qarshi élip bérilghan bir qétimliq quralliq heriket ikenlikini eskertip ötti.

Xatirilesh murasimi shéhitlerning rohigha atap du'a oqush we iptar ziyapiti bilen axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.