Esqer jan "Asasiy qanun médalini" bawariye parlaménti re'isining qolidin tapshuriwaldi

Ixtiyariy muxbirimiz erkin tarim
2021-06-29
Share
Esqer jan Esqer jan ependi gérmaniye fédératip jumhuriyitining bawariye shtati parlaménti teripidin tesis qilin'ghan "Asasiy qanun médali" ni tapshurup aldi. (Ongdin solgha) bawaryye parlaménti re'isi ilse ilse a'igner, esqer jan, bawaryye parlaménti mu'awin re'isi mu'awin re'isi markus rinderspachér. 2021-Yili 26-iyun, gérmaniye.
RFA/Erkin Tarim

Uyghur mesilisi xelq'aralashqan bügünki künde dunya Uyghur qurultiyining yawropadiki siyasiy ishlirigha mes'ul wekili, yawropa sherqiy türkistan birliki re'isi esqer jan ependi gérmaniye fédératip jumhuriyitining bawariye shtati parlaménti teripidin tesis qilin'ghan "Asasiy qanun médali" ni tapshurup aldi.

Mezkur médal yawropaning waz kechkili bolmaydighan qimmet qarashliri bolghan démokratiye, erkinlik, insanperwerlik, kishilik hoquqqa töhpe qoshqan kishilerge bérilidighan bolup, Uyghur pa'aliyetchi esqer jan ependi mezkur "Médal" gha muwapiq körülgen. 26-Iyun küni ötküzülgen médal tarqitish yighinida her sahede xizmet körsetken kishilerge médal tarqitip bérilgen. Chet'eldin kélip yerleshkenler arisida peqetla esqer janning mezkur mukapatqa érishishi kishilerning diqqitini tartqan.

Mezkur murasimgha korona wirusi tüpeyli cheklik sanda kishi ishtirak qilghan bolup, tor arqiliq neq meydandin tarqitilghan murasimgha bawaryye parlaménti re'isi ilse a'igner xanim, mu'awin re'isi markus rinderspachér ependi qatnashti we muhim söz qilip, esqer janning démokratiye hem kishilik hoquqqa qoshqan töhpisi heqqide toxtaldi.

Esqer jan ependi tapshurup alghan, gérmaniye fédératip jumhuriyitining bawariye shtati parlaménti teripidin tesis qilin'ghan

Bawariye shtati parlaméntining re'isi ilse a'igner xanim esqer jan ependini médalni élish üchün sehnige teklip qilip munularni dédi: "Hörmetlik esqer jan, siz gérmaniye myunxén'gha deslepte kelgen Uyghurlardin biri. Siz kelgen waqtida gérmaniyede peqetla 10-15 neper Uyghur bar iken. Siz uzun yillardin buyan gérmaniyede Uyghur jama'itining berpa bolushi üchün tirishiwétipsiz. Uning üstige gérmaniyening qimmet qarishi bolghan kishilik hoquq, erkinlik we démokratiye üchün köp xizmetlerni qildingiz. Buni harmay-talmay uzun yil dawamlashturdingiz. Sizning wetiningizning weziyitining qanchilik éghir ikenlikini bilimiz, siz millitingizning éghir weziyitini anglitish üchünmu zor töhpilerni qoshtingiz. Bu xizmetlerni uzun yil pidakarliq bilen qilghanliqingiz üchün bawariye parlaméntining eng aliy mukapatini bérishni qarar qilduq".

Bawariye parlaméntining yighin zalida ötküzülgen mukapat tarqitish yighini axirlashqandin kéyin yawropa sherqiy türkistan birlikining re'isi, d u q ning yawropadiki wekili esqer jan ependi bilen téléfon söhbiti élip barduq. U, mukapatni alghandin kéyinki tuyghulirini bayan qilip mundaq dédi: "Xitay bizge irqiy qirghinchiliq élip bériwatqan bir peytte mendek bir Uyghurgha kishilik hoquq, démokratiye we erkinlikke qoshqan töhpisi üchün bundaq bir mukapatning bérilishi xitaygha bérilgen bir signal dep oylaymen. Buni alghandin kéyin hem özüm hemde Uyghurlar namidin bekla pexirlendim".

Bawariye parlaménti "Asasiy qanun médali" ni 1959-yilidin tartip tarqitip kéliwatqan bolup, namzatlar parlamént ezaliri teripidin körsitilgendin kéyin, parlamént re'isining testiqlishi bilen bérilidiken. Esqer jan ependi bu heqte melumat berdi.

Esqer jan ependining éytishiche bawariye shtatida köp sanda millet xelqliri yashaydighan bolup, mezkur médal 62 yildin buyan tunji qétim bir chet'ellikke bériliptu. Esqer jan ependi bu heqte melumat berdi.

Esqer jan ependi uzun yillardin buyan dunya Uyghur qurultiyida her xil wezipilerni ötep kelmekte. D u q re'isi dolqun eysa ependi esqer janning bundaq bir mukapatqa érishishidin nahayiti xursen bolghanliqini bayan qildi.

Mezkur médal bérilgen kishilerning isimliri ötken yili 10-ayda jakarlan'ghan bolup, "Korona wirusi" tüpeyli murasim kéchiktürülgenidi.

Gérmaniye fédératsiyesi döliti 10 shitattin terkib tapqan bolup, bawariye shtati 15 milyon nopusqa ige, iqtisadiy jehettin eng küchlük shtatlarning biri hésablinidiken. Bawariye shtatining parlaménti, hökümiti, bash ministiri, öz edliyesi bar bolup, ichki ishlarda musteqil, tashqi siyasette gérmaniye fédératsiye hökümitige qaraydiken. Bawariyening myunxén shehiride 2004-yili qurulghan dunya Uyghur qurultiyi bilen burun qurulghan yawropa sherqiy türkistan birliki en'ge aldurulghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet