B d t da "Wuxen wirusi" ning lagérlargha tarqilish xewpi we jaza lagérliri mesilisi anglitildi

Ixtiyariy muxbirimiz ekrem
2020-02-14
Élxet
Pikir
Share
Print
D u q re'isi dolqun eysa ependim amérikaning b d t diki bash elchisi bremberg ependi bilen birge. 2020-Yili 11-féwral. Jenwe.
D u q re'isi dolqun eysa ependim amérikaning b d t diki bash elchisi bremberg ependi bilen birge. 2020-Yili 11-féwral. Jenwe.
RFA/Ekrem

Jenwedin igiligen uchurlargha asaslan'ghanda, 2-ayning 9-künidin 13-künigiche d u q re'isi dolqun eysa, qurultay fondining mudiri abdujélil emet, qurultayning ishxana mudiri zumret Uyghur, qurultayning bérlindiki ishxanisining mudiri éwa xanim hemde qurultay terkibidiki "Bélgiye Uyghur jem'iyiti" ning re'isi yashar qatarliqlardin terkib tapqan bir wekiller ömiki b d t da jaza lagérliri mesilisini anglitish, "Wuxen wirusi" ning lagérlargha tarqilish xewpi toghrisida b d t xadimlirini agahlandurushni asasiy mezmun qilghan bir yürüsh pa'aliyetlerni élip barghan.

D u q wekillirining bu ziyariti b d t kishilik hoquq kéngishining 43-nöwetlik yighini chaqirilishqa ikki hepte qalghan bir peytke orunlashturulghan bolup, dolqun eysa ependi teminligen melumatlargha qarighanda, Uyghur wekilliri bu bir hepte jeryanida 30 din artuq döletning b d t diki elchiliri bilen körüshüp, Uyghurlar mesilisi üstide söhbetler élip barghan. 

Mezkur pa'aliyetke ishtirak qilghan d u q fondining mudiri abdujélil emet ependining bildürishiche, b d t diki Uyghurlarni qobul qilghan köpligen döletlerning elchiliri Uyghur wekillirining sözlirige étibar bilen qarighan we özlirining Uyghurlarning nöwettiki éghir weziyitige qarita héssidashliqlirini ipade qilishqan. 

Bu pa'aliyetke d u q ning ishxana mudiri zumret Uyghurmu qatnashqan bolup, uning bayan qilishiche, b d t diki bu uchrishishlarda herqaysiy döletlerning elchilirige "Wuxen wirusi" ning jaza lagérlirigha tarqilish xewpi we buning netijiside kélip chiqidighan yaman aqiwetler toghrisidimu melumatlar bérilgen hemde buning aldini élish üchün herqaysiy döletlerning yardimi telep qilin'ghan.

D u q terkibidiki "Bélgiye Uyghur jem'iyiti" ning re'isi yasharmu ziyaritimizni qobul qilip bu bir heptilik pa'aliyetlerning nahayiti netijilik, tesirlik ötkenlikini tekitlidi. U sözide bu bir heptilik pa'aliyet jeryanida uchrashqan herqaysi döletlerning b d t diki elchilirige xitayning chet'ellerge uzarghan qoli we muhajirettiki Uyghur siyasiy pa'aliyetchilirige qiliwatqan ziyankeshlikliri toghrisidimu melumatlar bérip ötkenlikini tilgha aldi.

Dolqun eysa ependining bildürishiche, 2-ayning 24-küni b d t kishilik hoquq kéngishining 43-nöwetlik yighini bashlinishi bilenla d u q ning bir guruppa wekilliri qaytidin jenwege yétip kélip, b d t ning binasi aldida chong bir chédir qurup jaza lagérlirigha munasiwetlik süretler körgezmisi ötküzidiken. Bu pa'aliyet bir heptidin artuq dawam qilidiken.
Abdujélil emet ependi b d t binasi aldida ötküzilidighan bu kölimi zor süretler körgezmisige 100 ge yéqin döletning elchilirini teklip qilghanliqini tilgha aldi. Dolqun eysa ependi dunyaning herqaysiy elliridiki shara'iti yar bergen Uyghurlarning bu pa'aliyetke kélip qatnishishini teshebbus qildi.

Toluq bet