B d t xitaygha qaratmiliq jaza bérishke chaqirildi

Muxbirimiz jüme
2020-02-23
Élxet
Pikir
Share
Print
"Awaz" tori 21-féwral bashlatqan "Uyghurlargha hörlük" namidiki muraji'etname.
"Awaz" tori 21-féwral bashlatqan "Uyghurlargha hörlük" namidiki muraji'etname.
avaaz.org

Korona wirusi xelq'ara axbaratta qiziq téma bolup qalghan bir bir mezgilde, amérikigha jaylashqan "Awaz" namliq tor béti b d t kishilik hoquq kéngishining diqqitini Uyghur mesilisige tartish üchün heriketke ötti we ularni xitaygha qaratmiliq jaza bérishke chaqirdi.

Mezkur teshkilat 21-féwral "Uyghurlargha hörlük" namida tarqatqan muraji'etnamige imza qoyghuchilar ikki kün ichide 280 mingdin éship ketti.

Muraji'etnamide b d t ge qaritilip mundaq déyilgen: "Az dégende bir milyon bigunah ademning wehshiylerche qamilishi we ménge yuyulushqa uchurushi insaniyetke qarishi jinayettur. Biz buninggha inkas qayturushunglarni telep qilimiz."

Muraji'etnamide yene b d t xitayning jinayetlirige qarishi jaza tedbirliri qollinishqa chaqirildi.

Uningda mundaq körsitildi: "Biz silerni bu jinayetlerni eyiblepla qalmay, xitayni négizlik kishilik hoquq we xelq'ara qanun'gha hörmet qilishqa mejburlash üchün xitaygha qaratmiliq iqtisadiy jaza tedbirliri qollinishqa we u yerge sélin'ghan mebleghlerni qayturup chiqishqa chaqirimiz."

Muraji'etnamide, xitay hökümiti lagérgha qamighan bu bir milyondin artuq Uyghurning herxil zorawanliqlargha yoluquwatqanliqi, ayallarning basqunchiliqqa uchrap, balilarning ata-aniliridin mehrum qaldurulghanliqi bayan qilin'ghan.

Muraji'etnamide mundaq déyilgen: "2020-Yilidimu bundaq ishlarning yüz bériwatqanliqigha ishinishmu intayin qorqunchluq. Hökümetlirimizning köpinchisining buninggha qarshi zuwan sürgüdek jasariti yoq. Emma biz sükütte turalmaymiz." 

"Awaz" namliq bu organ 2007-yili amérikida qurulghan bolup, uning tor béti in'glizche, xitayche we erebche qatarliq 15 xil tilda mulazimet qilidu.

Bu organ melum bir mesilige qarita intérnét herikiti qozghash meqsitide qurulghan.

Toluq bet