Amérika qatarliq döletler b d t da Uyghur pa'aliyiti ötküzidiken

Muxbirimiz memetjan jüme
2021-05-09
Share
Amérika qatarliq döletler b d t da Uyghur pa'aliyiti ötküzidiken Kishilik hoquqni közitish teshkilati b d t ishliri diréktori lu'is charbonnaw
Social Media

Kéler hepte amérika, gérmaniye we en'gliye qatarliqlardin terkib tapqan bir nechche dölet birlikte xitayning Uyghur we bashqa az sanliq milletlerni basturush qilmishliri üstide b d t da birleshme pa'aliyet ötküzidiken.

Kéler charshenbe küni ‍intérnét arqiliq ötküzülidighan bu pa'aliyette amérika, gérmaniye we en'gliyening bash elchiliri, jümlidin kishilik hoquqni közitish teshkilatining ijra'iye diréktori kén rot we xelq'ara kechürüm teshkilatining bash katipi agnés kallamard qatarliqlar Uyghur weziyiti heqqide söz qilidiken.

Bu pa'aliyette b d t sistémisi, eza döletler we puqrawi jem'iyetlerning Uyghur élidiki xitayning ziyankeshlikige uchrawatqan türkiy milletlerning kishilik hoquqini qoghdashta öteydighan roli muzakire qilinidiken.

Pa'aliyetke yuqiriqi döletlerdin bashqa yene kanada, awstraliye we yawropadiki bashqa bir qanche döletmu ishtirak qilidiken.

Halbuki xitayning b t d turushluq elchisi b d t gha eza döletlerge nota yollap, ularni yuqirida pilan qilin'ghan Uyghur pa'aliyitige qatnashmasliqqa chaqirghan.

Xitay bu pa'aliyetni teshkilligüchilerni "Xitayning ichki ishlirigha arilashti," dep eyibligen.

Roytérsning neqil qilishiche, kishilik hoquqni közitish teshkilati b d t ishliri diréktori lu'is charbonnaw béyjing yillardin buyan bashqa ellerni Uyghur mesiliside zuwan sürmeslikke qistap kelgen bolsimu, emma istratégiyelik meghlubiyetke uchrighanliqini, chünki xitayning Uyghur we bashqa türkiy musulmanlirigha qaratqan jinayi qilmishliridin yirgen'gen téximu köp döletler otturigha chiqishqa bashlighanliqini éytqan.

Bu yil 19-yanwar amérika hökümiti xitayning Uyghurlar üstidin "Irqiy qirghinchiliq" we insaniyetke qarshi jinayet" ötküzüwatqanliqini jakarlighandin kéyin, kanada, gollandiye, en'gliye, awstraliye qatarliq döletlerning parlaméntliri "Uyghur qirghinchiliqi" ni étirap qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet