B d t kishilik hoquq kéngishining 41-nöwetlik yighinida Uyghurlar heqqide muzakiriler élip bérildi

Ixtiyariy muxbirimiz erkin tarim
2019-09-17
Élxet
Pikir
Share
Print
B d t da dunya Uyghur qurultiyi, xelq'ara kishilik hoquq mulazimet merkizi we adwokatlar jem'iyiti birlikte orunlashturghan "Xitayning qanunni ijra qilishi" témisidiki yighinda d u q programma mudiri pétir irwin ependi sözlimekte. 2019-Yili 17-séntebir, jenwe.
B d t da dunya Uyghur qurultiyi, xelq'ara kishilik hoquq mulazimet merkizi we adwokatlar jem'iyiti birlikte orunlashturghan "Xitayning qanunni ijra qilishi" témisidiki yighinda d u q programma mudiri pétir irwin ependi sözlimekte. 2019-Yili 17-séntebir, jenwe.
RFA/Erkin Tarim

16-Séntebir küni birleshken döletler teshkilati kishilik hoquq kéngishining 41-nöwetlik yighinida Uyghur mesilisi, bolupmu "Jaza lagérliri" mesilisi toghrisida keskin muzakire élip bérilghan.

D u q re'isi dolqun eysa ependi 17-séntebir shwétsariyening jenwe shehiride dawam qiliwatqan b d t kishilik hoquq kéngishining 41-nöwetlik yighinigha qatniship, Uyghurlar mesilisi boyiche bir yürüsh pa'aliyetlirini bashlidi. Uning éytishiche mezkur yighin 9-séntebir küni bashlan'ghan bolup, 16-séntebir künidiki yighinda xitayni qollawatqan musulman döletliri tenqidke uchrighan. Dolqun eysa ependi bu heqte toxtaldi.

B d t kishilik hoquq kéngishining 41-nöwetlik yighini 9-séntebir küni bashlan'ghan bolup, 25-séntebirgiche dawam qilidiken. D u q xitayning kishilik hoquqi depsendichilikige we jaza lagérlirigha qarshi pa'aliyetlirini kücheytken shuningdek xitaymu b d t diki bu xil tetür teshwiqatini kücheytken bolup, 40-nöwetlik yighinda Uyghur aptonom rayonining mu'awin re'isi erkin tuniyazni sözletken bolsa bu qétimqi yighinda, yeni 16-séntebir küni Uyghur aptonom rayonluq Uyghur tébabet aliy téxnikomining mudiri tursunjan xoja'exmet isimlik kishini sözlitip, özlirini aqlashqa tirishqanliqini bayan qildi.

D u q re'isi dolqun eysa ependi 17-séntebir küni b d t da dunya Uyghur qurultiyi, xelq'ara kishilik hoquq mulazimet merkizi we adwokatlar jem'iyiti birlikte "Xitayning qanunni ijra qilishi" témisida yighin chaqirghanliqi, yighinda d u q programma mudiri pétir irwinning sözligenlikini, nuqtiliq halda Uyghur diyaridiki jaza lagérliri mesilisini anglatqanliqini bayan qildi.

18-Séntebir küni d u q wekilliri yene b d t da ötküzülgen kishilik hoquq kéngishining 41-nöwetlik omumiy yighinigha qatniship, 190 din artuq döletning wekilliri qatnashqan bu yighinda Uyghurlarning hazirqi éghir weziyitini anglitidiken.

D u q rehberlirining b d t diki pa'aliyetliri bir hepte dawam qilidighan bolup, bu bir hepte jeryanida ular köpligen döletlerning birleshken döletler teshkilatidiki elchiliri bilen körüshidiken hemde b d t da chaqirilghan türlük mezmunlardiki yighinlargha qatnishidiken.

Toluq bet