Бирюсселда бейҗиң қишлиқ олимпик мусабиқисигә қарши намайиш

Ихтиярий мухбиримиз уйғурай
2022.01.04
Share on WhatsApp
Share on WhatsApp
Бирюсселда бейҗиң қишлиқ олимпик мусабиқисигә қарши намайиш Белгийәниң бирюссел шәһиридә хитайға қарши вә хитайниң 2022-йиллиқ қишлиқ олимпик мусабиқисини байқут қилиш һәққидә өткүзүлгән намайишидин көрүнүш. 2022-Йили 4-январ, белгийә.
RFA/Uyghur'ay

Белгийәниң бирюссел шәһиридә хитайға қарши вә хитайниң 2022-йиллиқ қишлиқ олимпик мусабиқисини байқут қилиш һәққидә чоң намайиш өткүзүлгән.

1-Айниң 4-күни белгийәниң пайтәхти бирюсселдики белгийә уйғур җәмийитиниң орунлаштуруши билән белгийә әркин тибәт җәмийити, хәлқара әркиликни қоғдаш иттипақи, явропа аз санлиқларни қоғдаш җәмийити бирликтә хитайниң 2022-йиллиқ қишлиқ олимпикини байқут қилиш вә явропа парламентиға болған чақириқни күчәйтиш, хитайниң җинайәтлирини аңлитиш үчүн явропа комитети мәркизи бинасиниң алдида чоң типтики намайиш өткүзүлгән.

Белгийәниң бирюссел шәһиридә хитайға қарши вә хитайниң 2022-йиллиқ қишлиқ олимпик мусабиқисини байқут қилиш һәққидә өткүзүлгән намайишидин көрүнүш. 2022-Йили 4-январ, белгийә.

Мәзкур намайиш һәр қайси җәмийәтләр бирликидә җанлиқ шоарлар билән наһайити қизғин давамлашқан болуп, намайишчилар җушқун кәйпият билән йүрүш қилип, намайишни хитай сода банкиси вә хитай консулханиси алдиғичә давам қилған.

Бу намайишқа иштирак қилған белгийәдики дуня уйғур қурултийиниң директори көн әпәндим, хәлқара тибәт һәрикитиниң директори вәнсаң, белгийә уйғур җәмийитиниң рәиси абдулмутәллип имир әпәнди вә белгийә уйғур җәмийитиниң әзаси әкбәр турсун әпәнди қатарлиқлар намайишта айрим-айрим сөз қилған.

Радийомиз зияритини қобул қилған белгийә уйғур җәмийитиниң рәиси абдулмутәллип әпәнди намайишта сөзлигән нутқида 2022-йиллиқ бейҗиң қишлиқ олимпик мусабиқисини байқут қилишни тәләп қилғанлиқини тәкитлиди.

Белгийәниң бирюссел шәһиридә хитайға қарши вә хитайниң 2022-йиллиқ қишлиқ олимпик мусабиқисини байқут қилиш һәққидә өткүзүлгән намайишидин көрүнүш. 2022-Йили 4-январ, белгийә.

Белгийә уйғур җәмийитиниң әзаси әкбәр турсун әпәндим бүгүнки намайишниң әһмийити һәққидә тохталди.

Намайиш болуватқанда бирюссел ахбарат кулубида бейҗиң олимпик мусабиқиси һәққидә бәс муназириләр болған, намайиш мәйданидики көрүнүшләр шу ахбарат кулубида нәқ мәйдандин тарқитилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт