Parlamént ezaliri: béyjing qishliq olimpik yighinini bayqut qilish kérek

Muxbirimiz memetjan jüme
2021-02-07
Share
Parlamént ezaliri: béyjing qishliq olimpik yighinini bayqut qilish kérek En'gliye erkin démokratlar partiyesining rehbiri éd dawéy.
Social Media

En'gliye erkin démokratlar partiyesining rehbiri éd dawéy we emgek partiyesining parlamént ezasi kiris birayt qatarliq péshqedem siyasiy erbablar en'gliye tenheriketchilirige xitab qilip, ularni xitayda Uyghurlargha qaritilghan zulumlargha étiraz bildürüshke we kéler yili béyjingda ötküzülidighan qishliq olimpik tenheriket musabiqisini bayqut qilishqa chaqirghan.

Ular yene bu zulumlarni toxtitish üchün en'gliye hökümiti we en'gliye olimpik jem'iyitining heriketke ‍ötishi shertliki bildürgen.

En'gliyedin chiqidighan "Hamiy" gézitining neqil keltürüshiche, dawiy mundaq dégen: "Xitayning gherbide irqiy qirghinchiliq yüz bériwatqanliqigha a'it deliller nahayiti éniq, emdi en'gliye we pütün dunya béyjinggha qarshi turushi, barliq wasitilerni qollinip buninggha xatime bérishi kérek."

Xitayning lagérlirida asasliq Uyghurlarni teshkil qilghan 1. 8 Milyondin 3 milyon'ghiche bigunah insanning iztirap chékiwatqanliqi we lagérlardiki Uyghur ayallirining sistémiliq basqunchiliqqa uchraydighanliqi, ularning tughut cheklesh opératsiyesige mejburlan'ghanliqi shahitlarning bayanliri bilen xewer qilin'ghandin kéyin, dunyawi inkas qozghighan.

B d t "Irqiy qirghinchiliqqa qarshi turush ehdinamisi" de yuqiriqigha öz‍oxshash qilmishlarning irqiy qirghinchiliqning ispati süpitide körsitilgenlikini tilgha alghan birayant: "Irqiy qirghinchiliq ehdinamisi" diki besh türlük irqiy qirghinchiliq herikitining hemmisi alliqachan shinjang ölkiside yüz bériwatidu. Shunga en'gliye hökümitining bu jehette heriket qilishqa jür'et qilalmasliqi ademni heyran qalduridu," dégen.

U yene mundaq dégen: "Eger xitay hökümiti shinjangdiki tutup turush lagérlirini taqashni buyrumisa, Uyghurlargha qaritilghan mejburiy emgek we étnik tazilashni axirlashturmisa, Uyghur ayallirini tughmas qilish, qiynash we Uyghurlargha basqunchiliq qilishni toxtatmisa, undaqta büyük béritaniye komandisi, méyiplar olimpik gkomandisi we wezirler bu musabiqige bayqut élan qilishi kérek. Bizning eng zérek we eng munewwer tenheriketchilirimiz Uyghur xelqini yer yüzidin süpürüp tashlashqa urunuwatqan xitay kompartiyesining teshwiqat musabiqisige qatnishishqa mejburlanmasliqi kérek."

En'gliye tashqi ishlar ministiri dominik ra'ab ötken yili öktebir en'gliyening mezkur musabiqini bayqut qilish mumkinchiliki barliqini éytqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet