Bérlinda Uyghurlargha a'it bir yürüsh pa'aliyetler élip bérildi

Ixtiyariy muxbirimiz ekrem
2021-10-15
Share
Fransiyediki Dunya Uyghur qurultiyining re'isi dolqun eysa amérika parlamént binasida AFP bilen söhbetleshmekte. 2019-Yili 4-iyun, washin'gton.
AFP

Bérlinda "Uyghur awazi" resim körgezmisi, "Méning hedem nede?" namliq filimning qoyulush murasimi we "Uyghur siyasiy aktiplirini terbiyelesh" kursi ötküzüldi.

14-Öktebir gérmaniye paytexti bérlindiki amérika bash elchixanisida "Uyghur awazi" namliq resim körgezmisi pa'aliyiti ötküzüldi. Bu pa'aliyetni amérika bash elchixanisi maddiy jehettin qollighan, d u q orunlashturghanidi. Körgezmige amérika elchixana xadimliri, birqisim döletlerning diplomatliri, amérika we yawropa elliridin kelgen kishilik hoquq paliyetchiliri, d u q xadimliri we bashqa Uyghur kishilik hoquq aktipliri bolup 100 ge yéqin kishi qatnashti.

14-Öktebir chüshtin kéyin bu pa'aliyetke ulapla, amérika bash elchixanisida yene "Méning hedem nede?" namliq höjjetlik filimning qoyulush murasimi ötküzüldi. Murasim muqeddimiside amérikaning bérlindiki waqitliq bash elchisi klarik pirs, d u q re'isi dolqun eysa we Uyghur herikiti teshkilatining re'isi rushen abbas xanimlar échilish nutuqliri sözlidi. Uyghurlarning nöwettiki weziyiti etrapliq yorutup bérilgen 75 minutluq bu filim kishilerni qattiq tesirlendürdi.

15-Öktebir bérlindiki "Park in" méhmanxanisida "Uyghur siyasiy aktiplirini terbiyelesh" kursi bashlandi. 2 Kün dawam qilidighan bu kursni Uyghur herikiti teshkilati orunlashturghanidi. Pa'aliyet d u q re'isi dolqun eysa ependining échilish nutqi bilen bashlandi.

Bügün, 15-öktebir yene bérlindiki aliksandér meydanida "Uyghur awazi" resim körgezmisi pa'aliyiti dawamlashmaqta.

Biz neqmeydanda yürüp, 2 kündin buyan bu pa'aliyetlerge ishtirak qiliwatqan birqisim teshkilat rehberliri we Uyghur siyasiy aktiplirini ziyaret qilduq. Diqqitinglar programmimizning tepsiliy mezmunlirida bolghay.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet