Kélliy kurriy xanim: “B d t ning Uyghur mesilisi boyiche qararname chiqirishida prézidént baydénning mes'uliyiti bar”

21-Séntebir küni amérika prézidénti jow baydén birleshken döletler teshkilatining omumiy kéngishide sözligen yérim sa'etlik nutuqida Uyghur irqiy qirghinchiliqi we xitayning Uyghurlargha yürgüzüwatqan insaniyetke qarshi jinayitini tilgha almidi. Neq ashu küni chüshtin kéyin, awam palata ezasi krstofér simis ependi we amérikaning birleshken döletler teshkilatida turushluq sabiq mu'awin elchisi kélliy kurriy xanim aqsarayining aldida achliq élan qilghan lagér shahitlirini alahide yoqlidi. Lagér shahitliri we pa'aliyetchiler, xitayning Uyghurlargha qaratqan basturushining wirus bahanisi bilen téximu éghirlishiwatqanliqini, amérikaning tizdin b d t kishilik hoquq kéngishide Uyghur mesilisining resmiy otturigha qoyulushi üchün bir qararname chiqirishini telep qilghanidi.

Krstofér simis ependi, prézidént jow baydénning b d t omumi kéngishide xitay heqqide éytqanlirining nahayiti ajiz ikenlikini tekitlidi. Kélliy kurriy xanim, prézidént jow baydénning xelq'araliq chong sehnide Uyghur mesilisini tilgha alidighan nahayiti chong pursetni qoldin bérip qoyghanliqigha epsuslan'ghanliqini bildürdi.

Biz bu heqte kélliy kurriy xanim bilen mexsus söhbet élip barduq. Söhbitimizning tepsilatini yuqiridiki ulinishtin anglighaysiler.