Америка дөләт мәҗлиси әзаси америкини «бир хитай сиясити» ни бикар қилишқа чақириди

Мухбиримиз җүмә
2020-09-20
Елхәт
Пикир
Share
Принт
Америка дөләт мәҗлиси әзаси америкини «бир хитай сиясити» ни бикар қилишқа чақирди.
Америка дөләт мәҗлиси әзаси америкини «бир хитай сиясити» ни бикар қилишқа чақирди.
tiffany.house.gov

Америка дөләт мәҗлиси әзаси том тиффанй бир қанун лайиһәси тонуштуруп, американи аталмиш «бир хитай сиясити» ни бикар қилип, тәйвән билән нормал дипломатик мунасивәтлирини әслигә кәлтүрүшкә чақириди.

У 16-сентәбир бу һәқтә елан қилған баянатида «бир хитай сиясити» ни «вақти өткән» вә «бикерәк» дәп атиди.

У мундақ деди: «өткән 40 йилдин буян американиң һәр икки сиясий партийәси тәйвәнниң хитайниң бир қисми әмәсликидәк обйектип реяллиқни бир чәткә қайрип қоюп, бейҗиңниң ‹тәйвән коммунист хитайниң бир қисми' дегән ялғанлирини тәкрарлап кәлди.»

У баянатида йәнә, американиң тәйвән билән 1979-йилиғичә достанә дипломатик мунасивәтләрни сақлап кәлгәнлики, әмма әйни чағдики америка президенти җиммй картерниң һечқандақ қануний тәстиқсиз, тәйвән билән болған мунасивәтлирини туюқсиз үзүп хитайниң коммунист һакимийитини етирап қилғанлиқини тилға алди.

У йәнә, кейин америка дөләт мәҗилисиниң «тәйвән мунасивәтлири қануни» ни мақуллап, америка-тәйвән сода вә мәдәнийәт мунасивәтлириниң асасини салғанлиқни көрсәтти.

У мундақ деди: «америка өз достлириға гәп қилиш үчүн хитай коммунист партийәсиниң иҗазитигә еһтияҗлиқ әмәс. Әмди американиң бейҗиңниң ‹бир хитай сиясити' фантазийәсини тәкрарлиши биһаҗәт. Әксичә америка сиясити тәйвәнниң бир демократик, мустәқил дөләт икәнликидин ибарәт рияллиқни әкс әттүрүши керәк.»

Тәйвән 1949-йили хитай коммунист партийәси һакимийәт бешиға чиққандин буян, мустәқил мәвҗут болуп кәлмәктә.

Пикирләр (0)
Share
Толуқ бәт