Amérika dölet mejlisi ezasi amérikini "Bir xitay siyasiti" ni bikar qilishqa chaqiridi

Muxbirimiz jüme
2020-09-20
Élxet
Pikir
Share
Print
Amérika dölet mejlisi ezasi amérikini "Bir xitay siyasiti" ni bikar qilishqa chaqirdi.
Amérika dölet mejlisi ezasi amérikini "Bir xitay siyasiti" ni bikar qilishqa chaqirdi.
tiffany.house.gov

Amérika dölet mejlisi ezasi tom tiffany bir qanun layihesi tonushturup, amérikani atalmish "Bir xitay siyasiti" ni bikar qilip, teywen bilen normal diplomatik munasiwetlirini eslige keltürüshke chaqiridi.

U 16-séntebir bu heqte élan qilghan bayanatida "Bir xitay siyasiti" ni "Waqti ötken" we "Bikérek" dep atidi.

U mundaq dédi: "Ötken 40 yildin buyan amérikaning her ikki siyasiy partiyesi teywenning xitayning bir qismi emeslikidek obyéktip réyalliqni bir chetke qayrip qoyup, béyjingning 'teywen kommunist xitayning bir qismi' dégen yalghanlirini tekrarlap keldi."

U bayanatida yene, amérikaning teywen bilen 1979-yilighiche dostane diplomatik munasiwetlerni saqlap kelgenliki, emma eyni chaghdiki amérika prézidénti jimmy kartérning héchqandaq qanuniy testiqsiz, teywen bilen bolghan munasiwetlirini tuyuqsiz üzüp xitayning kommunist hakimiyitini étirap qilghanliqini tilgha aldi.

U yene, kéyin amérika dölet mejilisining "Teywen munasiwetliri qanuni" ni maqullap, amérika-teywen soda we medeniyet munasiwetlirining asasini salghanliqni körsetti.

U mundaq dédi: "Amérika öz dostlirigha gep qilish üchün xitay kommunist partiyesining ijazitige éhtiyajliq emes. Emdi amérikaning béyjingning 'bir xitay siyasiti' fantaziyesini tekrarlishi bihajet. Eksiche amérika siyasiti teywenning bir démokratik, musteqil dölet ikenlikidin ibaret riyalliqni eks ettürüshi kérek."

Teywen 1949-yili xitay kommunist partiyesi hakimiyet béshigha chiqqandin buyan, musteqil mewjut bolup kelmekte.

Toluq bet