Burhan séti ulughyol: ular atamni qoyup berdi, emma a'ilimizdin 20 adem tutqunda

Muxbirimiz méhriban
2019-06-18
Élxet
Pikir
Share
Print
Doktor burhan sétining dadisi séti yaqup (soldin 3-kishi) ning lagérgha élip kétilgen iniliri yüsüp yaqup (soldin 1-kishi), emet yaqup (soldin 2-kishi) we memet yaqup (soldin 5-kishi).
Doktor burhan sétining dadisi séti yaqup (soldin 3-kishi) ning lagérgha élip kétilgen iniliri yüsüp yaqup (soldin 1-kishi), emet yaqup (soldin 2-kishi) we memet yaqup (soldin 5-kishi).
Photo: RFA

Türkiye istanbul sabahettin zayim uniwérsitétining dotsénti  doktor burhan séti ulughyol ependi , ziyaritimizni qobul qilip, qumul qara döwe yézisidiki uruq-tughqanliridin texminen 20 kishining 2017- yili we 2018-yil ichide tutqun qilinip, lagér hetta türmilerge qamalghanliqidin uchur alghanliqini bildürdi.

Doktor burhan séti ulughyol ependining bildürüshiche, u uruq-tughqanliri ichidin tutqunda ikenlikini éniqlap chiqqan 20 kishining ismini 6-ayning 17- küni , ijtima'iy taratqulardin feysb'ok, twitér qatarliqilargha yollap ular üstidin ashkare ispat bergen.

Doktor burhan séti tizimliktiki isimlik tertipi boyiche yurti qumul qara döwe yézisidiki tughqanliridin  tutqun qilin'ghanlar heqqide töwendikidek melumat berdi.

Rizwan'gül séti. Burhan sétining singlisi 2018- yili 12-ayda lagérgha élip kétilgen .

Isma'il kérem .Rizwan'gül sétining éri 2017-yili tutqun qilinip 7 yilliq késiwétilgen.

Burhan ependining bildürüshiche, uning singlisi rizwan'gül séti 2018- yil 12- ayda tutqun qilin'ghan. Singlisining éri isma'il kérem bolsa, xitay saqchiliri teripidin  sezgür shexs dep közitilip, qumuldiki bir diniy ölimagha u doxturxanidiki mezglide pul yardem qilghanliqi üchün tutqun qilinip 7 yilliq qamaqqa höküm qilin'ghan.

Burhan séti yene dadisining iniliridin , yeni taghiliridin yüsüp yaqup, emet yaqup, memet yaqup qatarliq 3 aka-uka , ögey akisi we anisining ini-singillirining tutqun qilinish sewebliri heqqide toxtaldi.

Yüsüp yaqup dadisining chong inisi bolup, bu yil 62 yash , u 2017- yili tutqun qilinip lagérgha élip kétilgen.

Ibrahim yüsüp we  isma'il yüsüp, yüsüp yaqupning oghulliri bolup, ular 2018-yili tutqun qilinip lagérgha élip kétilgen.

Aq ayla kasip ibrahim yüsüpning ayali bolup, u 2018- yili tutqun qilinip lagérgha élip kétilgen .

Emet yaqup, dadisining 2- inisi bolup, u qoghun sodigiri idi. U, 2017- yili 7-aydin kéyin tutqun qilin'ghan, shundin béri iz- dériki yoq. 2016- Yili u 3 qizini türkiyege oqushqa chiqarghan .

Hemraxan abduréhim, emet yaqupning ayali bolup, u 2018- yili tutqun qilghan.

Memet yaqup, tijaretchi bolup, u 2018-yili 6- ayda gu'angjudin tutqun qilin'ghan. Bir oghli bir qizi we ayali hazir türkiyede yashimaqtiken.

Muhemmet isma'il, burhan sétining ögey akisi bolup, u 2018- yili lagérgha élip kétilgen.

Gülsümay, muhemmet isma'ilning ayali, u 2018- yili lagérgha élip kétilgen.

Burhan sétining bildürüshiche , u dadisining iniliridin emet yaqup we memet yaquplarning  türkiye qatarliq döletlerde oquwatqan perzentliridin ularning tutqun qilin'ghanliq xewirini anglighandin kéyin, qumuldiki saqchi da'irilirigha téléfon qilish arqiliq bu 3 neper taghisining  2017- yili 7- aydin 2018- yilining axirighiche yurti qumulning qara döwe yézisi we bashqa jaylardin qumulgha chaqirtip élip kélinip, tutqun qilinip qumuldiki lagérlargha solan'ghanliqini bilgen.

Doktor burhan séti yene da'iriler yene uning qumuldiki ana jemet tughqanliridin, anisi zeynep hemdulning inisi abliz hemdul we uning oghulliridin nureli abliz qatarliqlarning ehwali heqqidimu toxtaldi.

Doktor burhan séti yene öz uruq -tughqanlirining tutqun qilin'ghanliqi heqqidiki ehwallarni taratqularda ashkarilishidiki asasiy sewebler heqqidimu toxtaldi. U xitay hökümitidin özining bu uruq-tughqanlirining soriqini qilish we muhajirettiki Uyghurlarni xitay lagérlirigha qamalghan uruq-tughqanliri heqqide ispat bérishke ilhamlandurush üchün bu ehwallarni anglitish qararigha kelgenlikini bildürdi.

Hörmetlik radiyo anglighuchilar türkiye istanbul sabahettin zayim uniwérsitétining dotsénti burhan séti ulughyol ependi bu yil 3-ay mezgilide radiyomiz ziyaritini qobul qilip, özi malaysiyada oquwatqan chéghida uninggha tehdit salghan xitay dölet amanliq xadimini ashkarilighanliqi üchün, xitay saqchilirining yurti qumuldiki dadisi séti yaqup, anisi zeynep hemdulgha mejburi téléfon qildurush arqiliq uninggha tehdit salghanliqini bildürgenidi.  Burhan ependi kéyin yene  ijtima'iy taratqularda uchur yollap, xitay saqchilirining tehditini  ashkarilighanliqi üchün yurti qumuldiki saqchi da'irilirining uningdin öch élip, qumuldiki ata-anisini tutqun qilip lagérgha solighanliqi we özi bu ehwallarnimu xelq'ara taratqularda ashkarilan'ghandin kéyin, qumuldiki  saqchi da'irilerning uning lagérdiki ata-anisini qoyup bérip öyige qayturghanliqini bildürgenidi.

Toluq bet