Chimen'gül awut "2021-Yilliq xelq'ara jenggiwar sha'ir mukapati" gha érishti

Ixtiyariy muxbirimiz azigh
2021-06-28
Share
chimengul_awut.jpg Ataqliq sha'ire chimen'gül awut.
Social Media

Yéqinda alte döletni öz ichige alghan firansuz tilliq sha'irlar uyushmisi (Prix du poètes résistants) tonulghan Uyghur sha'iri chimen'gül awutqa "2021-Yilliq xelq'ara jenggiwar sha'irlar mukapati" bérishni qarar qilghan. Mezkur organ yawropa Uyghur instituti bilen alaqe ornitip özlirige firansuz tilida neshr qilin'ghan esirliri mewjut Uyghur sha'irlirini namzat körsitishni telep qilghan.

Bundin burun yawropa Uyghur institutining "Uyghurgha nezer" zhurnilida gülxumar xatiwaji teripidin chimen'gül awutning shé'irliri tonushturulghan bir maqale élan qilin'ghan. Uningdin bashqa doktor dilnur reyhan firansiye qelemkeshler jem'iyitining telipi boyiche firansiye qelemkeshler jem'iyitining pesillik zhurnili "Uchurname" ge chimen'gül awutning bir qisim shé'irlirini terjime qilghan bolup, sha'ir chimen'gül awut esirliri firansuzchigha terjime qilin'ghan az sandiki Uyghur sha'irlirining biri hésablinidiken.

Biz maqaliside sha'ir chimen'gül awutni we shé'irlirini tonushturghan gülxumar xatiwajini ziyaret qilduq. Gülxumar xanim bu heqtiki oylirini biz bilen ortaqlashti.

Fransiyediki tonulghan Uyghur ziyaliysi dilnur reyhan xanim sha'ir chimen'gül awutning mezkur mukapatqa érishish jeryani heqqide ziyaritimizni qobul qilip tepsiliy melumat berdi. Yawropa Uyghur instituti chimen'gül a'uwtqa wakaliten mukapatni tapshurup alidighan bolup, dilnur reyhan xanim mukapat heqqide toxtilip: "Chimen'gül awut gerche bu mukapatni qobul qilalmisimu, yenila buni chimen'gül awut we weten sirtidiki Uyghurlar üchün chong bir ilham dep oylaymen," dédi.

Xitay hökümitining Uyghurlargha yürgüzüwatqan irqi qirghinchiliq siyasiti seweblik yüzlerche Uyghur ziyaliysi yighiwélish lagérlirida we türmilerde tutup turuluwatqan bolup, bezilirining aqiwiti hazirghiche melum emes iken. Közetküchilerning qarishiche, xitay hökümitining Uyghur élidiki qirghinchiliq siyasiti seweblik Uyghur medeniyet-sen'itini éghir halsirimaqta iken.

Shiwétsiyede turuwatqan Uyghur ziyaliysi sha'ir abdushükür muhemmet ependim ziyaritimizni qobul qilip, chimen'gül awutning edebiy ijadiyiti we Uyghur edebiyatidiki orni heqqide tepsiliy melumat berdi.

Chimen'gül awut qeshqer Uyghur neshriyatining tehriri bolup, 2018-yili 7-ayda ataqliq yazghuchi xalide isra'ilning "Altun kesh" namliq romanini tehrirligen. 2018-Yili 7-ayda chimen'gül awut bu kitab seweblik mezkur neshriyatning 13 neper xadimi bilen bille tutqun qilin'ghan. Hazirghiche chimen'gül awutning aqiwiti heqqide éniq bir melumat yoq iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet