Dalay lamaning alahide wekiller ömiki béyjingda yene bir qétim söhbetleshmekchi

Tibetlerning diniy dahiysi dalay lamaning alahide wekiller ömiki béyjingda tibetning siyasiy kelgüsi heqqide muzakire élip bérish üchün yene bir qétim yépiq söhbet bashlimaqchi.
Muxbirimiz eqide
2008-10-30
Share

Xitay organ metbu'atlirida bildürülishiche, bu qétimqi söhbet dalay lamaning telipi boyiche pilanlighan bolup, sürgündiki tibet hökümiti xadimi ikki neper tibet wekilining béyjingda bir hepte turidighanliqini tekitligen.

Dalay lamaning bayanatchisi peyshenbe küni, junggo da'irilirining bu qétimqi söhbette pursetni ching tutup, aktip inkas qayturushini ümid qilidighanliqini éytqan.

Bir qanche kün ilgiri dalay lama ikki terep di'alogining tereqqiyatidin ümidsizlen'genlikini bildürüp, junggo terepning bu mesilige nisbeten hazirgha qeder héchqandaq bir inkas qayturmaywatqanliqini tekitligen idi. 2002 ‏ - Yilidin buyan dalay lamaning alahide wekilliri bilen xitay hökümiti arisida 7 qétim söhbet élip bérilghan bolsimu, emma héchqandaq emeliy netijige érishmey kelmekte.

Bu qétimqi söhbet 8 - qétimliq söhbet hésablinish bilen birge yene, junggo olimpik tenterbiye musabiqisini ayaqlashturghandin kéyinki birinchi qétimliq söhbet bolup hésablinidu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet