Rejep tayyip erdoghan béyjing sepiride peqetla birla Uyghur bilen körüshken

Ixtiyariy muxbirimiz haji qutluq qadiri
2015-08-06
Élxet
Pikir
Share
Print
Xitay türkiye prézidénti rejep tayyip erdoghanni qizghin kütüwaldi. 2015-Yili 29-iyul, béyjing.
Xitay türkiye prézidénti rejep tayyip erdoghanni qizghin kütüwaldi. 2015-Yili 29-iyul, béyjing.
AFP

Bir qisim Uyghurlarning inkasigha qarighanda, türkiye prézidénti rejep tayyip erdoghan béyjingda ziyarette bolghan mezgilide peqetla béyjingda xizmet qiliwatqan Uyghurlardin adil haji kérim bilenla uchrashqan we söhbette bolghan.

Türkiye prézidénti rejep tayyip erdoghan 28-iyuldin 30-iyulghiche bolghan üch künlük xitay ziyaritide béyjingdiki uchrishishlarda Uyghurlardin peqetla junggo islam diniy jem'iyitining mu'awin re'isi, junggo islam institutining mu'awin mudiri, " Junggo musulmanliri zhurnili" Uyghurche neshrining bash muherriri adil haji kérim bilen körüshken we mezkur zhurnal heqqide söhbetleshken.

Biz bu heqte toluq melumatqa érishish üchün junggo musulmanliri zhurnili tehrir bölümige téléfon qilghinimizda, ziyaritimizni qobul qilghan bir xadim adil haji kérimning xizmet bilen sirtqa chiqip ketkenlikini bildürdi hemde rejep tayyip erdoghan bilen élip bérilghan junggo musulmanliri wekillirining uchrishishi heqqide qisqiche uchur bérip ötti.

Junggo islam diniy jem'iyitining mu'awin re'isi adil haji kérim misirdiki el ezher uniwérsitétida oqughan tunji qarardiki Uyghur oqughuchilardin biri bolup, u 1982-yilidin 1991-yilighiche mezkur uniwérsitétta toqquz yil ilim alghan.

Bu heqte ziyaritimizni qobul qilghan ilgiri el ezher uniwérsitétida ilim tehsil qilghan, hazir türkiye istanbuldiki sherqiy türkistan wexpining mes'ulliridin biri, tetqiqatchi abdujélil turan u heqte toxtilip ötti.

Tetqiqatchi abdujélil turan sözide, adil haji kérim bashliq Uyghur oqughuchilarning 1950-yillardin kéyinki el ezher uniwérsitétida oqughan tunji qararliq Uyghur oqughuchilar ikenlikini eslep ötti. U sözide yene, ilgiri el zeher uniwérsitétida oqughan Uyghurlarning meshhur diniy alimliri heqqide toxtaldi.

Adil haji kérim 1965-yili ürümchide ziyaliy a'iliside dunyagha kelgen, ürümchide toluq ottura mektepni püttürgendin kéyin, dölet teripidin misirdiki el ezher uniwérsitétigha oqushqa ewetilgen. Kéyin oqushni tamamlap wetinige qaytqan. 1991-Yilidin bashlap junggo islam diniy jem'iyitide xizmet qilishqa bashlighan. U, junggo islam diniy jem'iyitide xizmet qilish jeryanida xelq'ara bölümining terjimani we mudiri shundaqla ma'arip oqutush bölümining mu'awin bölüm bashliqi bolup wezipe ötigen.

Yuqiriqi awaz ulinishidin tepsilatini anglang.

Toluq bet