Zhurnalist sirajidin ezizi: Uyghurlar ikki heremdin behri alalmaywatidu

Ixtiyariy muxbirimiz haji qutluq qadiri
2015-06-20
Share
yaponiye-hej-yoli-kitab.jpg 2015 Yili yaponiyede neshr qilin'ghan “Hej yoli” namliq kitabdin élindi
RFA/Haji Qutluq Qadiri


18 - Iyun peyshenbe künidin bashlap 12 ayning sultani bolghan ramizan éyi resmiy bashlandi. Pütün dunyadiki musulmanlar bu ulugh ayda roza tutushtin ibaret allahning perzini ada qilish bilen birge mekkige jem bolup ümre hej pa'aliyitini bashlidi.

Hej xaraktér jehettin élip éytqanda, ümre hej we hejdin ibaret ikki türge bölünidu.

Ümre kichik hej bolup, qoshumche hej depmu atilidu, bu, belgilik hej künliridin bashqa künlerde éhram baghlap, mekkidiki beytullah heremde élip bérilidighan bir xil alahide pa'aliyet bolup, adette köpinche waqitlarda musulmanlar jümlidin Uyghurlar ümre hej pa'aliyitini ramizan éyida élip baridu.

Uyghur élidiki Uyghurlarning ixtiyari halda hej we ümre hej qilishi cheklen'genliki sewebidin shundaqla bu xildiki diniy pa'aliyetlerge qanishish wizisi eger ularning pasportlirida bayqalsa, bularning chégridin chiqishi tosqunluqqa uchrash bilen birge, pasporti musadire qilinip, belgilik derijide iqtisadiy jerimane qoyulup, melum muddet tutup turush jazasigha uchrashtek oxshimighan jazalar tüpeylidin, Uyghurlar bu xildiki diniy pa'aliyetlerge qatnishish we xitay chégrisidin salamet chiqiwélish üchün sayahet, tijaret we ishchiliq wiziliri bilen se'udi erebistan'gha baridu.

Bügün ziyaritimizni qobul qilghan mekkidiki zhurnalist sirajidin ezizi, Uyghur élidin ümre hej qilish üchün sayahet, tijaret we ishchiliq wiziliri bilen mekkige kelgen Uyghurlarning türlük qiyinchiliqlargha uchirawatqanliqini,gerche ramizan éyida se'udi erebistan hökümiti ikki heremde musulmanlar üchün her künlüki heqsiz iftarliq dastixanilarni séliwatqan bolsimu,biraq Uyghur musulmanlirining bu xildiki imtiyazlardin behri élishining xitay hakimiyiti teripidin éghir derijide cheklimilerge yoluquwatqanliqini bildürdi.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet