"Hejge iltimas sunsam, yéshing chongken dep unimidi, hashargha heydeydighan chaghda yéshing chongken démidi"

Muxbirimiz shöhret hoshur
2015-08-24
Share
qeshqer-pasport-bijirish-korunush.jpg Pasport béjirishni tézleshtürüsh we addiylashturush üchün yéngidin échilghan közneklerdin biride Uyghur kishining pasportini tapshurup éliwalghan körünüshi. 2015-Yili awghust, qeshqer.
Social Media

Birqanche kündin béri Uyghur rayonidiki bir qisim hökümet torlirida xitay da'irilirining adettiki pasport béjirishni qulaylashturush islahatini yolgha qoyghanliqi xewer qilinmaqta.

Xewerlerde déyilishiche, xoten sheherlik j x idarisining chégradin kirip chiqishni bashqurush etriti pasport béjirishni tézleshtürüsh we addiylashturush üchün yéngidin 32 xadim qobul qilghan we isména qoshup ishlesh üchün 17 yéngi köznek achqan.

Xewerlerde pasport béjirgüchilerning razimenlikimu süretlik halda körsitilgen. Muxbirimiz bu munasiwet bilen xoten'ge téléfon qilip, bu heqte ahalilerdin ehwal igilidi. Ahalilerdin 71 yashliq bir kishi bu qolayliqning peqet az sandiki kishiler üchün yaritilghanliqi, köp sandiki kishilerning bu ewzelliktin mehrum ikenlikini éytti. U bu weziyetke öz kechmishini pakit qilip körsitip, "Da'iriler méning pasport iltimasimni yéshing chongken dep ret qildi, emma hashargha heydeydighan chaghda yéshimni sorapmu qoymidi" dep shikayet qildi.

Yuqiridiki awaz ulinishidin programmining tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet