2 - Нөвәтлик хәлқаралиқ исламий кийимләр пасонлирини лайиһиләш сөһбәт йиғини вә байрими торонтода өткүзүлди

Мухбиримиз гүлчеһрә
2015-08-23
Share
kanada-toronto-xelqara-islamiy-kiyimler-layihilesh-bayrimi-2015.jpg 2 - Нөвәтлик хәлқаралиқ исламий кийимләр пасонлирини лайиһиләш сөһбәт йиғини вә байримидин бир көрүнүш
RFA/Gulchihre

Кийим адәм зиннити, биз мәйли нә мәқсәттә қандақ услубта кийингән болмайли, кийинишимиз һаман бизниң роһий дуняримизниң бир көзникидур.

Кийим - кечәк пасонлири мулаһизичилириниң қаришичә қизларниң кийим пасонлиридики өзгиришләр¡ қандақ кийимләрни мода еқим сүпитидә кийгини, уларниң идийисидә немә аң, вә немә еқимни қобул қилишқа йүзлиниватқанлиқини намаян қилипла қалмастин йәнә шу дәврдики өзгиришләрни, кишилириниң арзуси, мәдәнийити, сиясий, иқтисадий, һәтта психик һалитиниму ипадиләп бериду.

Бу йәнә әқәллий кишилик һоқуқиниң бир қисмидур. Дәвримиздә уйғур аяллириниң исламий йосунда, өз арзулири бойичә кийинишиң хитай даирилириниң қаттиқ чәклимисигә учраватқанлиқиға шаһид боливатқан болсақ, ислам дөләтлиридила әмәс башқа демократик әлләрдиму мусулман аялларниң исламий кийим кечәклирини халиғанчә кийипла қалмай һәтта уни байрам қиливатқанлиқини көримиз, дуняниң һәр қайси җайлирида исламий кийим кечәк лайиһә вә мода көргәзмилири давамлиқ өткүзүлүп туриду.

22 - Авғуст канаданиң торонто шәһридә әнә шундақ пәқәт муслимә ханим - қизларғила хас мода көрситиш көргәзмиси вә байрими өткүзүлди.

2 - Нөвәтлик хәлқара тәсәттур, йәни салмақ кийим - кечәкләр мода көрситиш көргәзмиси вә исламий кийим пасонлирини лаһийиләш сөһбәт йиғини һәмдә байрими, канаданиң торонто шәһиригә җайлашқан япон мәдәнийәт мәркизидә 22 - авүуст шәнбә башланди, мода көрситиш башлиниш алдида тәсәттур, йәни салмақ түс алған кийимләрни лайиһиләш байриминиң ечилиш мурасими болуп өтти. Мурасимға кийим - кечәк байримиға қатнишиватқан дуняниң һәр қайси җайлиридин кәлгән лаһийилигчиләри, карханичилар кийим кечәк саһәсидә тонулған моделлар ахбарат саһәси, ислам вә дини мәдәнийәт тәтқиқатчилири, һәр саһәдики меһманлар болуп 300 дин артуқ адәм қатнашти.

“мән муслимә ханим қизлиримизниң хәлқара сәвийәдики кийим пасонлирини, заманиви услубта лайиһәлийәләйдиғанлиқиға¡ хәлқаралиқ мода маркиларни яритидиғанлиқиға ишинимән, лекин шундақтиму бәзи кишиләр бизгә нисбәтән башқичә қарайду, бирақ биз чоқум кишиләрниң бизгә болған начар идийилирини өзгәртишимиз керәк”, дәп сөзини башлиған риясәтчи ханим алди билән торонто хәлқара тәсәттур кийимләр лайиһиләш байриминиң 2 йилдин буянқи тәрәққият мусаписи әсләп өтти.

У йәнә бу байрамниң тәсәттур кийимләрниң диний вә миллий хаслиқини ашуруш,кийим - кечәк мәдәнийитини гүлләндүрүш тоғрисида мәхсус материял топлаш муһакимә қилишни вә бу саһәдики лаһийилигуичиләрни қиммәтлик тәклип - пикирләр билән тәминләш вә қоллаш, муслимә ханим қизларға гүзәллик беғишлашни мәқсәт қилидиғанлиқини билдүрди.

Торонтоға җайлашқан япон мәдәнийәт мәркизиниң көргәзмә залида ечилған мәзкур байрамға қатнаштурулған исаламий диний хаслиққа игә кийим - кечәк маркилири вә мода һәмдә лаһийиләр сағлам, мәдәний турмуш шәклини тәшәббус қилип, мусулман кийим кечәк мәдәнийити, иқтисади сияси һалитини намаян қилди.

Байрамда канада , әнгилийә, австралийә вә пакистан, африқа әллиридин кәлгән яш кийим лайиһәләш устилириниң исламий йүрүшлүк кийимлри мода көргәзмиси байрамидики әң ярқин нуқта болди.

Пәқәт аялларла иштирак қилған өзгичә мода көрситиштә, кәндир,пахта қатарлиқ материяллардин тикилгән, аддий, раһәт , әмма көркәм кийимләр меһманларниң яқтурушиға алқишиға еришти, есил кимхап, йипәк таварлардин тикилгән исламий алаһидилик билән заманивилиқ устилиқ билән бирләштүрүлип диний вә миллий хаслиқ устилиқ билән муҗәссәмләштүрүлип лаһийиләнгән мурасим кийимлири, кенәз кийимлири көзни қамаштурди.

Тәсәттур, йәни салмақлиқ вә адди - саддилиқ алаһидиликлиригә игә кийимлирини зибу - зиннәтлири, гиримлири билән маслаштуруруп мода көрсәткән моделлар мусулман аялларниң өзигә хас латапитини намаян қилди. Бәзи кийимләргә исламий бәлгиә вә сурә инчикилик билән сәнәтлик кәштиләнгән болуп, бәкрәк диққәт қозғиди. У байрамда йәнә муслимәләрниң җәмийәттики орнини юқири көтүрүш вә уларниң һәр саһәләрдики иқтидарини дуняға намаян қилишта кийим кечәк саһәсиниң орни вә роли шундақла исламий кийим кечәк сәнити тоғрисидики илмий сөһбәт йиғини биллә давам қилди.

Мәзкур байрамда мәхсус базар тәсис қилинған болуп, базарға һәр хил мәдәнийәт арқа көрүнүшигә игә меһманларниң еһтияҗиға мас түрлүк рәң һәм пасонлардики тәсәттур кийим - кечәклири ханим - қизларниң пәрдазлиниш еһтияҗи вә салаһийәтлиригә мунасип мәдәнийәт хаслиқ еһтияҗиға мас һәр хил һалал боюмлар, зибу зиннәт, қол - һүнәр турмуш лазимәтликлириму қоюлди.

Исламий кийим - кечәк кәспини тәрәққий қилдуруп, дуня миқясида муслимә кийимлири лайһлиигичилирини қоллаш вә техиму көп ишқа орунлишиш пурсити вә тәсәттур кийим - кечәк маркилириға базар яритиш һәм илгири сүрүш, ислам мединийитиниң кеңийишигә қандақ хизмәт қилиш һәққидә пиланлар оттурға қоюлди. Шималий америкида ислам кийим - кечәк саһәсиниң йиллиқ әң чоң лаһиләш мода көрситиш кәспи йиғини буниң билән торонтода исламий мода кийимләр лайиһиилирини иккинчи қетим дуняға йүзләндүрди.Шималий амеркида иккинчи қетим уюштуриливатқан ислам кийим кечәк саһәсидики тәсири күчлүк болған бу кийим - кечәк байрими 23 - авғуст йәнә бир күн давам қилиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт