2 - Nöwetlik xelq'araliq islamiy kiyimler pasonlirini layihilesh söhbet yighini we bayrimi torontoda ötküzüldi

Muxbirimiz gülchéhre
2015-08-23
Share
kanada-toronto-xelqara-islamiy-kiyimler-layihilesh-bayrimi-2015.jpg 2 - Nöwetlik xelq'araliq islamiy kiyimler pasonlirini layihilesh söhbet yighini we bayrimidin bir körünüsh
RFA/Gulchihre

Kiyim adem zinniti, biz meyli ne meqsette qandaq uslubta kiyin'gen bolmayli, kiyinishimiz haman bizning rohiy dunyarimizning bir köznikidur.

Kiyim - kéchek pasonliri mulahizichilirining qarishiche qizlarning kiyim pasonliridiki özgirishler¡ qandaq kiyimlerni moda éqim süpitide kiygini, ularning idiyiside néme ang, we néme éqimni qobul qilishqa yüzliniwatqanliqini namayan qilipla qalmastin yene shu dewrdiki özgirishlerni, kishilirining arzusi, medeniyiti, siyasiy, iqtisadiy, hetta psixik halitinimu ipadilep béridu.

Bu yene eqelliy kishilik hoquqining bir qismidur. Dewrimizde Uyghur ayallirining islamiy yosunda, öz arzuliri boyiche kiyinishing xitay da'irilirining qattiq cheklimisige uchrawatqanliqigha shahid boliwatqan bolsaq, islam döletliridila emes bashqa démokratik ellerdimu musulman ayallarning islamiy kiyim kécheklirini xalighanche kiyipla qalmay hetta uni bayram qiliwatqanliqini körimiz, dunyaning her qaysi jaylirida islamiy kiyim kéchek layihe we moda körgezmiliri dawamliq ötküzülüp turidu.

22 - Awghust kanadaning toronto shehride ene shundaq peqet muslime xanim - qizlarghila xas moda körsitish körgezmisi we bayrimi ötküzüldi.

2 - Nöwetlik xelq'ara tesettur, yeni salmaq kiyim - kéchekler moda körsitish körgezmisi we islamiy kiyim pasonlirini lahiyilesh söhbet yighini hemde bayrimi, kanadaning toronto shehirige jaylashqan yapon medeniyet merkizide 22 - awü'ust shenbe bashlandi, moda körsitish bashlinish aldida tesettur, yeni salmaq tüs alghan kiyimlerni layihilesh bayrimining échilish murasimi bolup ötti. Murasimgha kiyim - kéchek bayrimigha qatnishiwatqan dunyaning her qaysi jayliridin kelgen lahiyiligchileri, karxanichilar kiyim kéchek saheside tonulghan modéllar axbarat sahesi, islam we dini medeniyet tetqiqatchiliri, her sahediki méhmanlar bolup 300 din artuq adem qatnashti.

“Men muslime xanim qizlirimizning xelq'ara sewiyediki kiyim pasonlirini, zamaniwi uslubta layiheliyeleydighanliqigha¡ xelqaraliq moda markilarni yaritidighanliqigha ishinimen, lékin shundaqtimu bezi kishiler bizge nisbeten bashqiche qaraydu, biraq biz choqum kishilerning bizge bolghan nachar idiyilirini özgertishimiz kérek”, dep sözini bashlighan riyasetchi xanim aldi bilen toronto xelqara tesettur kiyimler layihilesh bayrimining 2 yildin buyanqi tereqqiyat musapisi eslep ötti.

U yene bu bayramning tesettur kiyimlerning diniy we milliy xasliqini ashurush,kiyim - kéchek medeniyitini güllendürüsh toghrisida mexsus matériyal toplash muhakime qilishni we bu sahediki lahiyiligu'ichilerni qimmetlik teklip - pikirler bilen teminlesh we qollash, muslime xanim qizlargha güzellik béghishlashni meqset qilidighanliqini bildürdi.

Torontogha jaylashqan yapon medeniyet merkizining körgezme zalida échilghan mezkur bayramgha qatnashturulghan isalamiy diniy xasliqqa ige kiyim - kéchek markiliri we moda hemde lahiyiler saghlam, medeniy turmush sheklini teshebbus qilip, musulman kiyim kéchek medeniyiti, iqtisadi siyasi halitini namayan qildi.

Bayramda kanada , en'giliye, awstraliye we pakistan, afriqa elliridin kelgen yash kiyim layihelesh ustilirining islamiy yürüshlük kiyimlri moda körgezmisi bayramidiki eng yarqin nuqta boldi.

Peqet ayallarla ishtirak qilghan özgiche moda körsitishte, kendir,paxta qatarliq matériyallardin tikilgen, addiy, rahet , emma körkem kiyimler méhmanlarning yaqturushigha alqishigha érishti, ésil kimxap, yipek tawarlardin tikilgen islamiy alahidilik bilen zamaniwiliq ustiliq bilen birleshtürülip diniy we milliy xasliq ustiliq bilen mujessemleshtürülip lahiyilen'gen murasim kiyimliri, kénez kiyimliri közni qamashturdi.

Tesettur, yeni salmaqliq we addi - saddiliq alahidiliklirige ige kiyimlirini zibu - zinnetliri, girimliri bilen maslashtururup moda körsetken modéllar musulman ayallarning özige xas latapitini namayan qildi. Bezi kiyimlerge islamiy belgi'e we sure inchikilik bilen sen'etlik keshtilen'gen bolup, bekrek diqqet qozghidi. U bayramda yene muslimelerning jem'iyettiki ornini yuqiri kötürüsh we ularning her sahelerdiki iqtidarini dunyagha namayan qilishta kiyim kéchek sahesining orni we roli shundaqla islamiy kiyim kéchek sen'iti toghrisidiki ilmiy söhbet yighini bille dawam qildi.

Mezkur bayramda mexsus bazar tesis qilin'ghan bolup, bazargha her xil medeniyet arqa körünüshige ige méhmanlarning éhtiyajigha mas türlük reng hem pasonlardiki tesettur kiyim - kéchekliri xanim - qizlarning perdazlinish éhtiyaji we salahiyetlirige munasip medeniyet xasliq éhtiyajigha mas her xil halal boyumlar, zibu zinnet, qol - hüner turmush lazimetliklirimu qoyuldi.

Islamiy kiyim - kéchek kespini tereqqiy qildurup, dunya miqyasida muslime kiyimliri layhli'igichilirini qollash we téximu köp ishqa orunlishish pursiti we tesettur kiyim - kéchek markilirigha bazar yaritish hem ilgiri sürüsh, islam médiniyitining kéngiyishige qandaq xizmet qilish heqqide pilanlar otturgha qoyuldi. Shimaliy amérikida islam kiyim - kéchek sahesining yilliq eng chong lahilesh moda körsitish kespi yighini buning bilen torontoda islamiy moda kiyimler layihi'ilirini ikkinchi qétim dunyagha yüzlendürdi.Shimaliy amérkida ikkinchi qétim uyushturiliwatqan islam kiyim kéchek sahesidiki tesiri küchlük bolghan bu kiyim - kéchek bayrimi 23 - awghust yene bir kün dawam qilidu.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet