D u q re'isi dolqun eysa chéxiyening muhim erbabliri bilen uchrishish élip barghan

Ixtiyariy muxbirimiz ekrem
2021-08-11
Share
D u q re'isi dolqun eysa chéxiyening muhim erbabliri bilen uchrishish élip barghan D u q re'isi dolqun eysa ependi chéxiyening dölet mudapi'e we bixeterlik komitétining re'isi pawél fishér(solda) ependi bilen. 2021-Yili 9-awghust, praga chexiye.
RFA/Ekrem

"Uyghur irqiy qirghinchiliqi" ni étirap qilghan chéxiyening bezi dölet erbabliri we parlamént ezaliri d u q re'isi dolqun eysa ependini qizghin kütiwalghan.

9-Awghusttin étibaren chéxiye paytexti piraga shehride 3 künlük ziyaritini bashlighan d u q re'isi dolqun eysa ependi chéxiyening bezi dölet erbabliri we parlamént ezalirining qizghin kütiwélishigha érishken. Uning bügün praga shehridin ziyaritimizni qobul qilip bildürüshiche, bu qétimqi ziyaretning asasliq meqsiti bu yil 11-ayda piragada chaqirilidighan 7-nöwetlik dunya Uyghur qurultiyining teyyarliq xizmetlirini ishlesh we chéxiye jumhuriyitining "Uyghur irqiy qirghinchiliqi" ni étirap qilghanliqigha Uyghurlar we d u q namidin rehmitini bildürüshtin ibaret bolghan.

D u q re'isi dolqun eysa ependi amérikaning chéxiyediki bash elchilik wezipisini ötewatqan jénnifér bakus xanim bilen. 2021-Yili 9-awghust, praga chexiye.

Chéxiye ziyariti esnasida dolqun eysa ependi chéxiyening dölet mudapiye we bixeterlik komitétining re'isi pawél fishér ependi bilen uchriship, Uyghurlar mesilisi boyiche söhbetler élip barghan hemde "Uyghur irqiy qirghinchiliqi" ning chéxiye parlaméntida étirap qilinishigha qoshqan hessisi üchün uninggha Uyghurlar namidin rehmitini bildürgen we uninggha Uyghur doppisini teqdim qilghan.

Dolqun eysa ependi amérikaning chéxiyediki bash elchisilik wezipisini ötewatqan jénnifér bakus xanim bilenmu uchrishish ötküzüp, Uyghurlar mesilisi toghrisida söhbetlerde bolghan. U yene chéxiye parlaméntining bezi ezaliri bilenmu ayrim söhbetler élip barghan.

D u q re'isi dolqun eysa ependi chéxiyening parlamént ezaliri bilen. 2021-Yili 9-awghust, praga chexiye.

Dolqun eysa ependi bu qétimqi ziyariti mezgilide chéxiyening bir qisim parlamént ezalirining qoshulushi bilen "7-Nöwetlik qurultayning teyyarliq komitéti" ni qurup chiqqan hemde bu parlamént ezaliridin bir qisim konkirét wezipilerni üstige élishini telep qilghan. Uning tilgha élishiche, bu qétimqi ziyaret mol mezmunluq bir ziyaret bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet