D u q jenwe namayishi we “5-Iyul ürümchi qirghinchiliqi” ning 10 yilliqini xatirilesh chaqiriqi élan qildi

Ixtiyariy muxbirimiz ekrem
2019.06.20
DUQ-75-Chaqiriq-2019.jpg D u q re'isi dolqun eysa ependi jenwe namayishi we “5-Iyul ürümchi qirghinchiliqi” ning 10 yilliqini xatirilesh chaqiriqi élan qildi. 2019-Yili 17-iyun.
Social Media

D u q re'isi dolqun eysa ependi 17-iyun küni chaqiriq élan qilip, yawropadiki Uyghurlarni b d t ning jenwediki bash shtabi aldida 24-iyun küni ötküzülidighan keng kölemlik namayishqa ishtirak qilishqa dewet qildi hemde 7-ayning 5-küni pütün dunyadiki Uyghurlargha “5-Iyul ürümchi qirghinchiliqi” ning 10 yilliqini xatirilesh munasiwiti bilen zor kölemlik namayish yaki xatirilesh pa'aliyetliri ötküzüshni teshebbus qildi.

Dolqun eysa ependining bildürüshiche, xitay hakimiyiti jaza lagérliri mesiliside dunyaning közini boyash üchün 24-iyun küni jenwediki b d t merkizide ötküzülidighan 41-nöwetlik kishilik hoquq kéngishining yighinida atalmish shinjang Uyghur aptonom rayonining mu'awin re'isi erkin tuniyazni sözletmekchi bolghan bolup, muhajirettiki Uyghurlarning xitayning bu saxtikarliqigha qarshi öz naraziliqlirini ipade qilishi zörür iken.

Dolqun eysa ependi sözide yene, erkin tuniyazning Uyghurlargha wakaliten b d t da sözge chiqip xitayning jaza lagérliri siyasitini aqlishining dunya jama'itini qaymuqturidighanliqini hemde xelq'arada yaman tesirler peyda qilidighanliqini ilgiri sürgen.

D u q re'isi dolqun eysa ependi bu qétimqi nutqida 2009-yili ürümchide yüz bergen “5-Iyul ürümchi qirghinchiliqi” ning 10 yilliqini pütün dunyadiki Uyghurlardin daghdughiliq xatirileshni telep qilghan. U sözide, 16-iyun xongkongda 2 milyon xelqning kochigha chiqip xitay hakimiyitige bolghan naraziliq iradilirini jakarlighanliqini, milyonlighan xelqi xitayning jaza lagérlirida azab chékiwatqan Uyghurlarning xongkongluqlargha qarighanda téximu köp jasaret körsitishi lazimliqini bayan qilghan. 

D u q mu'awin re'isi perhat muhemmidi ependi bu heqte toxtalghanda, d u q re'isining jiddiy chaqiriqining dewrning teqezzasi ikenlikini, bu chaqiriqqa pütün dunyadiki Uyghurlarning awaz qoshushini arzu qilidighanliqini tilgha aldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.