Dunya Uyghur qurultiyining yéngi nöwetlik rehberlik guruppisi saylap chiqildi

Muxbirimiz qutlan
2021.11.14
Dunya Uyghur qurultiyining yéngi nöwetlik rehberlik guruppisi saylap chiqildi Dunya Uyghur qurultiyining yéngi nöwetlik rehberlik guruppisi.
Photo: RFA

14-Noyabir küni d u q ning 7-nöwetlik qurultiyi démokratik usulda saylam élip barghan. Saylam netijiside d u q ning yéngi bir nöwetlik rehberlik guruppsi saylap chiqilghan.

D u q ning aldinqi nöwetlik re'isi dolqun eysa ependi mutleq yoqiri awaz, yeni jem'iy 198 awaz bilen d u q ning yene bir nöwetlik re'islikige saylan'ghan. Bu qétimqi saylamda doktor erkin ekrem 156 awaz bilen, zubeyre shemsidin xanim 135 awaz bilen, perhat muhemmidi 101 awaz bilen d u q ning mu'awin re'islikige saylan'ghan.

Bu qétimqi saylamda d u q ning ijra'iye komitéti saqlap qélin'ghan. Ömer qanat ependi 172 awaz bilen ijra'iye komitétining re'islikige saylan'ghan. Semet abla, ilshat hesen, turghunjan alawudun, erkin exmetof qatarliq 4 kishi d u q ijra'iye komitétining mu'awin re'islikige saylan'ghan. Perhat yaqup bash teptishlikke saylan'ghan. Uningdin bashqa bu qétimliq saylam jeryanida yene d u q ning terkibidiki herqaysiy komitétlarning mes'ul xadimlirimu saylap chiqilghan.

D u q ning 7-nöwetlik qurultiyi, xitay da'irilirining Uyghurlargha qaratqan basturush we zulumliri yenimu kücheygen, dunyaning herqaysiy elliride Uyghurlargha bolghan hésdashliq we qollashlar ewjige chiqiwatqan, shundaqla dunya jama'iti xitayning Uyghurlargha yürgüziwatqan “Irqiy qirghinchiliqi” we “Insaniyetke qarshi jinayet” lirini keskin eyiblewatqan bir pewqul'adde mezgilde ötküzüldi.

D u q ning yéngidin saylan'ghan rehberlik guruppsi saylam axirlashqandin kéyin radiyomiz ziyaritini qobul qilip, özlirining kelgüsidiki 4 yil jeryanida mürini mürige tirep, Uyghur xelqining hörlük iradisi üchün küresh qilidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.