D u q 7-nöwetlik omumiy wekiller qurultiyining échilish murasimi pragada daghdughuluq ötküzüldi

Ixtiyariy muxbirimiz ekrem
2021-11-11
Share
duq-7-qurultay-1.jpg D u q 7-nöwetlik omumiy wekiller qurultiyining échilish murasimidin körünüsh. 2021-Yili 11-noyabir, praga, chéxiye.
Photo: RFA

11-Noyabir küni d u q ning 7-nöwetlik omumiy wekiller qurultiyigha qatnishish üchün dunyaning herqaysiy elliridiki 25 dölettin kelgen Uyghur wekiller we chet ellik sherep méhmanliri chéxiye paytexti piraga shehiridiki grandi'or méhmanxanisigha jem boldi. Chüshtin kéyin sa'et 18:00 din bashlap méhmanxanining chong zalida “Uyghur awazi resim körgezmisi”, “Uyghur awazi kitab yermenkisi” pa'aliyiti uyushturulush bilen birge, 7-qurultayning échilish murasimi ötküzüldi.

D u q ning 7-nöwetlik omumiy wekiller qurultiyining échilish murasimigha d u q programma yétekchisi zumret'ay riyasetchilik qildi. Murasimda d u q re'isi dolqun eysa, chéxiye parlaménti kéngesh palatasining mu'awin re'isi jiri obérfaltsir, gérmaniye parlamént ezasi rozin millar, türkiyelik adwokat ilyas doghan, chéxiyediki “Munber 2000” ning ijra'iye mudiri yakob kilépal, türkiye parlamént ezasi métin késer qatarliqlar nutuq sözlep, 7-qurultaygha utuqlar tilidi we sherqiy türkistan xelqining xitay asaritidin, jaza lagérliridin tézraq qutulup, erkinlik, hörlüktin ibaret eqelliy heqlirige bir qedem bolsimu baldurraq érishishige tilekdashliq bildürdi. Yene bir qisim sherep méhmanlirimu murasimda söz élip, xitay hakimiyitining Uyghurlar üstidin yürgüziwatqan “Irqiy qirghinchiliq” we “Insaniyetke qarshi jinayet” lirini qattiq eyiblidi.

Biz d u q ning 7-nöwetlik omumiy wekiller qurultiyigha qatnishish üchün chéxiyege kelgen bezi wekillerni piragadiki grandi'or mehmanxanisida ziyaret qilip, ularning bu qétimqi qurultaygha qarita köz qarashlirini igileshke térishtuq. Diqqitinglar neq meydandin bergen bu programmimizda bolsun.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet