En'gliyediki aqillar ambiri: xitay korona wirusning ziyini üchün 6.5 Tirilyon dollar tölem tölishi kérek

Muxbirimiz jüme
2020-04-05
Share
korona-wirus-tolimi.png Bash shtabi london'gha jaylashqan aqillar ambiri - hénry jékson jem'iyiti élan qilghan "Korona wirusi tölimi" namliq doklat. 2020-Yili april. En'gliye.
henryjacksonsociety.org

En'gliyediki bir aqillar ambiri xitayning korona wirusini yoshurup, dunyawi apet keltürüp chiqarghanliqi üchün bir nechche tirilyon dollar tölem tölishi lazimliqini bildürdi.

Bash shtabi london'gha jaylashqan hénry jékson jem'iyiti "Korona wirusi tölimi" Namliq doklatida korona mesiliside xitayni xelq'ara sehiye nizamnamisi qatarliqlarni öz ichige alghan 10 nechche türlük xelq'ara qanun boyiche jinayi jawabkarliqqa tartishqa bolidighanliqini körsetti.

Ular doklatida korona wirusi seweblik "G 7" elliri tartqan iqtisadiy ziyan we mezkur wirusini tizginlesh üchün serp qilghan omumiy sommining 6.5 Tirilyon dollar bolidighanliqini ilgiri sürdi.

Ular doklatida "Eger xitay bu wirus heqqide toghra uchur bergen bolsa, wirus xitaydin chiqip ketmigen bolatti" dédi.

Melumatlargha qarighanda, xitay sehiye tarmaqliri 2019-yili dékabirning béshidila bu ejellik wirus heqqide xewer tépip bolghan bolsimu, bu heqtiki melumatlarni jama'ettin yoshurghan we bu heqte agahlandurush bergen doxturlarni jazalap, wirusqa a'it delil-ispatlarni yighishturuwétish buyruqi bergen.

En'gliyedin chiqidighan "Éra" gézitining melumatigha qarighanda, "Jenubiy xitay seher pochtisi géziti" xitay sehiye tarmaqlirining 27-dékabirdila korona wirusi bilen yuqumlan'ghan 200 ademni bayqighanliqini xewer qilghan.

Halbuki, xitay 2019-yili 31-dékabirgha kelgende andin dunya sehiye teshkilatini yuqum ehwalidin xewerdar qilghan. Dunya sehiye teshkilatimu eyni chaghda xitayning dégini boyiche wirusning ademdin ademge yuqmaydighanliqini teshwiq qilghan idi. 

Nöwette bu wirus dunyadiki barliq ellerge dégüdek tarqap 1 milyon 200 din artuq ademni yuqumlandurghan we 65 mingdin artuq ademning jénigha zamin bolghan. 

Ötken hepte amérikaliq adwokat larry klayman bashchiliqidiki bir guruppa adwokatlar tajsiman korona wirusi élip kelgen ziyanlar üchün xitay üstidin 20 tirilyon amérika dolliriliq shikayet sun'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet