En'gliye parlaménti ezasi Uyghurlarni qollaydighanliqini bildürdi

Muxbirimiz jüme
2020.09.20
henry_smith.jpg En'gliye parlaméntining konsérwatiplar partiyesi ezasi hénri smit.
Social Media

En'gliye parlaméntining konsérwatiplar partiyesi ezasi hénri smit yekshenbe küni élan qilghan bayanatida en'gliye parlamént ezaliri Uyghur élidiki jaza lagérliri üstidin bashlighan tekshürüshlerni qollaydighanliqini bildürdi.

U, en'gliyedin chiqidighan “Krawly xewerliri 24” qanilida élan qilghan mezkur bayanatida, xitayning Uyghur rayonidiki Uyghurlar we bashqa étnik guruppilargha qaratqan basturushliridinmu muhimraq birer téma yoqluqini éytti. 

U mundaq dédi: “Bu az sanliqlar xitay kommunist diktatorliri teripidin keng kölemlik tutqun qilindi. Shinjangdin chiqiwatqan resimlerge qarighinimizda bularni derhal natsistlar gérmaniyesi sadir qilghan jinayetlerge sélishturmay turalmaymiz.”

U yene en'gliye awam palatasi tashqi ishlar komitétining ezasi bolush süpitide, xitay kommunist partiyesining Uyghur rayondiki jinayetliride mes'uliyiti bar xadimlirini kéyinki nöwetlik jaza tedbirliri ichige kirgüzüshni qollaydighanliqini éytti. 

16-Séntebir, en'gliye parlaménti awam palatasining tashqi ishlar komitéti xitayning Uyghur diyaridiki jaza lagérlirini tekshürüshni qarar qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.