Londonda Uyghur irqiy qirghinchiliqi we mejburiy emgekke qarshi élip bérilghan pa'aliyetler tesir qozghimaqta

Ixtiyariy muxbirimiz ekrem
2022.09.26
Londonda Uyghur irqiy qirghinchiliqi we mejburiy emgekke qarshi élip bérilghan pa'aliyetler tesir qozghimaqta (Ongdin) xelq'ara qulluqqa qarshi turush teshkilati rehbiri kloyé kranstan(Chloe Cranston), roshen abbas, parlamént ezasi stiwén kinék(Stephen Kinnock), parlamént ezasi afzal xan(Afzal Khan), abdulhakim idris. 2022-Yili 19-sentebir, london.
RFA/Ekrem

19-Séntebirdin bashlap en'giliye paytexti londun'gha yétip kelgen merkizi washin'gtondiki Uyghur herikiti teshkilatining rehbiri rshen abbas we Uyghur tetqiqat merkizining diréktori abdulhakim idrislarning en'giliye parlamént ezaliri bilen uchriship Uyghur irqiy qirghinchiliqi we Uyghur mejburiy emgiki mesilisini sözlishish, “Hedemni izdeymen” namliq filim arqiliq irqiy qirghinchiliqning delillirini tonutush, londundiki musulmanlar teshkilatlirining rehberlirige Uyghurlarning nöwettiki weziyitini anglitish qatarliq bir yürüsh pa'aliyetliri belgilik tesir qozghighan.

Abdulhakim idris ependining londundin bergen melumatlirigha asaslan'ghanda, 21-séntebir chüshtin burun ular en'giliye parlaméntining 4 neper ezasi bilen körüshüp, en'giliye parlaménti awazgha qoyush aldida turghan “Uyghur mejburiy emgikining aldini élish qanuni” toghrisida söhbetleshken. Roshen abbas xanim bu heqte toxtalghanda, bu söhbetlerning asasiy mezmunining en'giliye parlamént ezalirining diqqitini Uyghur irqiy qirghinchiliqi we Uyghur mejburiy emgikige tartishtin ibaret bolghanliqini tilgha aldi.

(Soldin) abdulhakim idris, parlamént ezasi naz shah(Naz shah), roshen abbas, kloyé kranstan(Chloe Cranston). 2022-Yili 19-sentebir, london.
(Soldin) abdulhakim idris, parlamént ezasi naz shah(Naz shah), roshen abbas, kloyé kranstan(Chloe Cranston). 2022-Yili 19-sentebir, london.
RFA/Ekrem

Parlamént ezasi afzalxan özining twittér hésabida bu uchrishish toghrisida toxtalghanda, abdulhakim idris we roshen abbaslarning hazirgha qeder Uyghur irqiy qirghinchiliqi we Uyghur mejburiy emgikige qarshi körsetken térishchanliqigha yuqiri baha bérish bilen birge, 6-séntebir wezipe tapshurup alghan en'giliyening yéngi bash ministéri liz trusning nyu-yorkta ötküzülgen b d t omumi yighinida Uyghurlar mesilisini tilgha almighanliqini eyiblep: “Liz trus omumiy yighinda xitay toghriliq zuwanmu sürmidi, biz en'giliye hökümitidin téximu küchlük tedbir bilen heriket qollinishni telep qilimiz” dégen.

21-Séntebir küni kechte londondiki “Barbikan merkizi” namliq medeniyet zalida xelq'ara qulluqqa qarshi turush teshkilati bilen xelq'ara leydéy (Laigh Day International) namliq teshkilatning sahipxanliqida “Hedemni izdeymen” namliq filimn körsitilgen. Filimni körüshke bir qisim dangliq shexsler we muxbirlarmu qatnashqan. Filim xatimiside muhim siyasiy erbablardin en'giliye awam palatasi ezasi héléna kénnidi, proféssor lawra murfi, xelq'ara qulluqqa qarshi turush teshkilatining rehbiri kloyé kranstan qatarliqlarning riyasetchilikide Uyghur irqiy qirghinchiliq toghrisida tesirlik bir muhakime yighini bolup ötken.

(Ongdin) abduhakim idris, baroness héléna kénnidi(Baroness Helene Kennedy), roshen abbas, lawra murfi(Laura murphy), jawad mir(Jawad Mir), kloyé kranstan(Chloe Cranston). 2022Yili 19-sentebir, london.
(Ongdin) abduhakim idris, baroness héléna kénnidi(Baroness Helene Kennedy), roshen abbas, lawra murfi(Laura murphy), jawad mir(Jawad Mir), kloyé kranstan(Chloe Cranston). 2022Yili 19-sentebir, london.
RFA/Ekrem

Melum bolghinidek, merkizi londunda bolghan “Uyghurlar üchün dest tur!” teshkilati gherb elliridiki 100 din artuq musulman teshkilatlirining awaz qoshushi bilen bu yil 7-ayning 31-küni 7 dölet, 11 sheherde Uyghur irqiy qirghinchiliqigha qarshi namayish ötküzüp zor tesir qozghighan idi. Abdulhakim idris we rushen abbaslar 19-20-sintebir künliri mezkur teshkilatning rehberliri we londundiki bashqa musulmanlar jama'iti bilen uchriship, Uyghur irqiy qirghinchiliqigha qarshi bundin kéyin islam dunyasida élip baridighan pa'aliyetlerning küntertibini muzakire qilishqan. Abdulhakim idris ependi londundiki bu 3 künlük pa'aliyetlerni xulase qilghanda, “Uyghurlar üchün dest tur!” herikitini pütün dunya miqyasida qanat yaydurushning nezeriyiwiy asasini turghuziwalghanliqini eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.