Sant-albanis bishopi xelq'ara jem'iyetni Uyghurlarning nidasigha jiddiy köngül bölüshke chaqirghan

Muxbirimiz jüme
2020-10-04
Share
Bishop-of-st-albans-Dr-Alan-Smith.jpg En'gliye sant-albanis bishopi doktor alan simis.
Social Media

En'gliye sant-albanis bishopi doktor alan simis xitayning Uyghurlargha qaratqan basturushlirigha sel qarashqa bolmaydighanliqini bildürüp, xelq'ara jem'iyetni Uyghurlarning nidasigha jiddiy köngül bölüshke chaqirghan we öziningmu 2022-yilliq qishliq olimpikni béyjingda ötküzmeslik chaqiriqigha awaz qoshqanliqini bildürgen.

En'gliyedin chiqidighan "Chérkaw waqit géziti" ning xewer qilishiche, bishop doktor alan simis awstraliye istratégiyelik tetqiqat institutining doklatidin neqil élip, xitayning Uyghur élidiki meschitlerning 65 pirsentini chaqqanliqi yaki buzghunchiliq qilghanliqi éytqan. 

Uyghurlarni "Qorshawda qalghan insanlar" dep atighan doktor simis Uyghurlargha qaritilghan "Diniy étiqad erkinlikini ret qilish, mejburiy tughmas qilish, tughulush nisbitini töwenlitish, kölemlik halda tutup turush orunlirigha qamash we ichki organlirini éliwélish heqqidiki qayghuluq doklatlar qatarliq zulumlarning barghanche köpiyiwatqan pakitlar arqiliq ispatliniwatqanliqi" ni éytqan. 

U mundaq dégen: "Uyghurlarning qiyinchiliqini emdi kishilik hoquqqa ishinidighanliqini otturigha qoyghan döletler nezerdin saqit qilsa bolmaydu. Men bu hepte büyük bértaniye hökümitini we keng xelq'ara jem'iyetni xelq'ara olimpik komitétigha bésim ishlitip, ularning 2022-yilliq qishliq olimpik tenheriket musabiqisini béyjingda ötküzüsh qararini qayta körüp chiqishini telep qildim."

Sant-albanis bishopi ilgirimu en'gliyediki bezi diniy zatlar we dini guruhlarni xitayning Uyghur musulmanlirini basturushigha yéshil chiragh yéqip bermeslikke chaqirghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.