Bextiyar ömer: "En'gliyediki Uyghur sot kollégiyesige yardemde boliwatimiz"

Muxbirimiz méhriban
2020-10-21
Élxet
Pikir
Share
Print
Norwégiye Uyghur komitétining re'isi bextiyar ömer ependi(solda) sitéwan'gér shehiride xitay memliketlik xelq qurultiyining bashliqi li jyenshugha qarshi élip bérilghan namayishida yerlik qollighuchilar bilen. 2019-Yili 17-may, norwégiye.
Norwégiye Uyghur komitétining re'isi bextiyar ömer ependi(solda) sitéwan'gér shehiride xitay memliketlik xelq qurultiyining bashliqi li jyenshugha qarshi élip bérilghan namayishida yerlik qollighuchilar bilen. 2019-Yili 17-may, norwégiye.
RFA/Ekrem

2019-Yili 7-ayning 1-küni qurulghan "Norwégiye Uyghur edliye arxipi" ning bashliqi bextiyar ömer ependi 20-öktebir küni radiyomiz ziyaritini qobul qilip, özlirining en'gliyediki "Uyghur sot kollégiyesi" ge matériyal teyyarlash xizmitige yardemde boliwatqanliqini bildürdi.

Bextiyar ömer ependi sözide mezkur teshkilatning lagérgha qamalghan Uyghurlar, Uyghurlarning mejburiy emgekke sélinishi, pilanliq tughutqa mejburlinishi qatarliqlar heqqide toplan'ghan guwahliq we ispat matériyallirini qaytidin türge ayrish, terjime qilish, retlesh ishini jiddiy élip bériwatqanliqini bildürdi.

Bextiyar ömer ependining bildürüshiche, ötken yekshenbe 18-öktebir échilghan "Sherqiy türkistan teshkilatlar munbiri" ning ayliq yighinida, en'gliyediki "Uyghur sot kollégiyesi" ge tapshurulidighan matériyallarni teyyarlash xizmitini "Norwégiye Uyghur edliye arxipi" üstige alghan.

Uning bildürüshiche, mezkur teshkilat "Uyghur sot kollégiyesi" ning telipi boyiche, teshkilatlar we shexsler teminligen ispat matériyallirini retlep istatistika qilish, qaytidin türge ayrish, in'glizchigha terjime qilish qatarliq xizmetlerni qilidiken. 

Bextiyar ependining bildürüshiche, ular nöwette 2021-yili 4-ayda échish pilanlan'ghan "Uyghur sot kollégiyesi" ning 1-qétimliq anglash sotigha sunush üchün teyyarlinidighan matériyallarni, 2021-yili 1-aygha qeder türlerge bolup retlesh xizmitini élip bériwatqan bolup, guwahchilarning mexpiyetlikini qattiq saqlash telipige uyghun halda bu xizmetni "Norwégiye Uyghur edliye arxipi" ning xadimliri ishleydiken.

Emma tallinip chiqqan matériyallarni in'giliz tiligha terjime qilish xizmitige "Amérika Uyghur akadémiyesi" shundaqla türkiye we yawropadiki "Uyghur akadémiyesi" yéqindin hemkarlishidiken. 

Söhbet heqqidiki téximu toluq tepsilatlarni yuqurqi awaz ulinishidin anglaysiler.

Toluq bet