Туйғун абдувәли «анатолийә ислам мәркизи» ниң 2019-йиллиқ кишилик һоқуқни қоғдаш мукапатиға еришкән

Мухбиримиз меһрибан
2019-05-23
Елхәт
Пикир
Share
Принт
Канада шәрқий түркистан җәмийитиниң рәиси туйғун абдувәли «анатолийә ислам мәркизи» ниң 2019-йиллиқ кишилик һоқуқни қоғдаш мукапатини тапшуруп алди. 2019-Йили 22-май, торонто.
Канада шәрқий түркистан җәмийитиниң рәиси туйғун абдувәли «анатолийә ислам мәркизи» ниң 2019-йиллиқ кишилик һоқуқни қоғдаш мукапатини тапшуруп алди. 2019-Йили 22-май, торонто.
RFA/Méhriban

Мәлум болушичә, 22-май күни канаданиң торонто шәһиридики ифтарлиқ паалийәттә канада шәрқий түркистан җәмийитиниң рәиси туйғун абдувәли «анатолийә ислам мәркизи» ниң 2019-йиллиқ кишилик һоқуқни қоғдаш мукапатиға еришкән.

Йиғинда «анатолийә ислам мәркизи» ниң һәйәт әзалиридин мустафа әпәнди канада шәрқий түркистан җәмийитиниң рәиси туйғун әпәндиниң тиришчанлиқлири үчүн мәзкур мукапатниң берилгәнликини баян қилған.

Мустаф әпәнди туйғун абдувәли әпәнди йетәкчиликидики канада шәрқий түркистан җәмийитиниң хизмәтлиригә баһа берип, мәзкур тәшкилатниң уйғур вәзийитини аңлитиштики актип паалийәтлирини махтиған. У сөзидә канада шәрқий түркистан җәмийитиниң уйғур мусулманлириниң бүгүнки қийин әһвалини канадаға аңлитишта көрсәткән тиришчанлиқлириға, болупму җәмийәтниң рәиси туйғун абдувәлиниң тиришчанлиқлириға юқири баһа бәргән.

Бу мунасивәт билән канада шәрқий түркистан җәмийити» ниң рәиси туйғун әпәнди зияритимизни қобул қилип, мукапатни алғандин кейинки тәсиратини баян қилди.

«Кишилик һоқуқни қоғдаш мукапати» канададики диний тәшкилатлардин «анатолийә ислам мәркизи» тәрипидин тәсис қилинған мукапат болуп, мәзкур мукапат 20 йилдин буян һәр 5 йилда бир қетим тарқитилип келинмәктикән. Бу канададики уйғурларниң тунҗи қетим бу мукапатқа еришиши икән.

Мәлум болушичә, 22-май канаданиң торунто шәһиридики «анатолийә ислам мәркизи» ниң мәсчитидә өткүзүлгән мурасимға көп санда уйғурларму қатнашқан. Канададики уйғур паалийәтчилиридин абдуразақ әпәнди зияритимизни қобул қилип, мәзкур мукапатниң тунҗи қетим уйғурларға берилишиниң әһмийити һәққидә тохталди.

Абдуразақ әпәнди баянида канада шәрқий түркистан җәмийити қурулғандин буян, уйғурлар вәзийитини канададики диний тәшкилатлар, кишилик һоқуқ тәшкилатлири вә канададики һәр саһә кишилиригә яхши аңлитилип келиватқанлиқини тәкитлиди. У йәнә мәзкур мукапатниң бу қетим туйғун абдувәли әпәндигә берилиши канада шәрқий түркистан җәмийитиниң уйғур мәсилисини аңлитиштики тиришчанлиқиниң етирап қилиниши икәнликини билдүрди

Юқириқи аваз улиништин программиниң тәпсилатини аңлиғайсиләр.

Пикирләр (0)
Share
Толуқ бәт