Ню-йорктики "әркин қазақ тәшкилати" паалийәтлирини җанландурмақта

Мухбиримиз меһрибан
2019-06-13
Share
gheni-istambekof.jpg Ғени истамбекоф әпәнди қазақ яшлириниң намайишиға йетәкчилик қилмақта. 2019-Йили 9-июн, вашингтон.
RFA/Méhriban

a9-Июн күни америка пайтәхти вашингтонда бир түркүм қазақ яшлири наразилиқ намайиши өткүзгән.

Игилинишичә, қазақ яшлири бу қетимлиқ намайишта қазақистанниң дөләт ичигә нисбәтән мустәбит сиясәт йүргүзүп, хәлқниң сөз вә сайлам әркинликини бастурғанлиқини, ташқи җәһәттә тәслимчилик сиясити йүргүзүп, қазақистанниң земин вә тәбиий байлиқлирини хитайға сатқанлиқини паш қилған.

Қазақ намайишчилар йәнә қазақистанниң мустәбит хитай һөкүмитигә янтаяқ болуп, лагерларға қамалған қазақ, уйғур қатарлиқ түркий хәлқләргә көз юмғанлиқи, һәтта "ата юрт пидаийлири" тәшкилатиниң башлиқи серикҗан биләшоғлиға охшаш кишилик һоқуқ паалийәтчилирини мирзақамаққа алғанлиқини қаттиқ әйиблигән.

Намайишқа йетәкчилик қилған қазақ яшлиридин ғени истамбекоф әпәнди зияритимизни қобул қилип, өзлириниң 2017-йилдин буян америкиниң ню-йорк шәһиридә бу хилдики наразилиқ намайишлирини бирқанчә қетим уюштурғанлиқини, 9-июн күни вашингтонда өткүзүлгән намайишниң 2019-йили 3-айда "әркин қазақ тәшкилати" қурулғандин кейин елип берилған тунҗи мәйдан наразилиқ намайиши икәнликини билдүрди.

У сөзидә 9-июн күни вашингтонда өткүзүлгән наразилиқ намайишида өткән һәптә қазақистанда елип берилған президент сайлимида йүз бәргән 5000 дин артуқ қазақ пуқрасиниң тутқун қилиниш вәқәсигә наразилиқ билдүрүлгәнликини баян қилди.

У йәнә қазақистан һөкүмитини дөләт ичигә қарита һакиммутләқ сиясәт йүргүзүш, ташқи җәһәттә хитайға йол қоюш билән әйиблигәнликини билдүрди. Униң билдүрүшичә, намайишчилар қазақистан һөкүмитиниң хитай лагерлириға қамалған қазақ вә уйғурларниң қийин әһвалиға көз юмғанлиқи һәм сүкүт қилғанлиқи, һәтта иқтисадий мәнпәәт үчүн қазақистанниң игилик һоқуқлирини аяқ-асти қилип, йәр-земин вә нефит байлиқлирини хитайға сатқанлиқидәк қилмишлирини қаттиқ әйиблигән.

"әркин қазақ тәшкилати" ниң башлиқи ғени истамбекофниң билдүрүшичә, улар йәнә қазақистандики "ата юрт пидаийлири" тәшкилатиниң башлиқи серикҗан биләшоғлиниң тутқун қилинип өйигә нәзәрбәнд қилиниш вәқәсигиму наразилиқ билдүргән.

Зияритимиз ахирида ғени истамбекоф әпәнди өзлириниң бундин кейинки паалийәтлирини техиму җанландуридиғанлиқини билдүрди.

У қазақистан һөкүмитини нөвәттики мустәбит сияситини өзгәртишкә, қазақистанда америка қатарлиқ ғәрбтики демократик дөләтләрдә һәқиқий демократик сиясәт бәрпа қилишқа, қазақистан туприқидики пуқраларниң пикир әркинликигә капаләтлик қилишқа чақириқ қилди.

У йәнә қазақистан һөкүмитиниң серикҗан биләшоғли қатарлиқ қазақ вә уйғур паалийәтчилириниң қазақистанда әркин паалийәт елип беришиға йол қоюшини, уйғур дияридики җаза лагерлириға қамалған уйғур, қазақ, қирғиз, татар қатарлиқ түркий хәлқләр мәсилисигә қарита хитай һөкүмитигә җиддий түрдә инкас қайтурушини тәләп қилидиғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт