FBI Ниң мудири кристофир врай: хитайниң җавабкарлиқи сүрүштә қилиниду

Мухбиримиз нуриман
2020-07-08
Елхәт
Пикир
Share
Принт
Америка федератсийә тәкшүрүш идарисиниң башлиқи кристофир врай парламент бинасида өткүзүлгән әдлийә комитетиниң йиғинида гуваһлиқ бәрмәктә. 2020-Йили 5-феврал, вашингтон.
Америка федератсийә тәкшүрүш идарисиниң башлиқи кристофир врай парламент бинасида өткүзүлгән әдлийә комитетиниң йиғинида гуваһлиқ бәрмәктә. 2020-Йили 5-феврал, вашингтон.
AP

7-Июл күни худсун институти америка федератсийә тәкшүрүш идариси(FBI) ниң мудири кристофир врайни тәклип қилип, бейҗиңниң америкаға қайси тәрәпләридин суқунуп керишкә урунуватқанлиқи вә буниңға қарши тәдбирләр тоғрисида алаһидә сөһбәт елип барди.

Америка федератсийә тәкшүрүш идарисиниң мудири кристофир врай хитайниң америка ширкәтлиригә сиңип кириш арқилиқ, американиң әқлий-мүлклирини оғирлиғанлиқи, америка университетилириға сиңип кирип, сахта учур тарқитип, коммунизм идийәсини кеңәйтиватқанлиқи, хитайниң өзиниң чөнтикни томлаш үчүн һәр хил усуллар билән американиң диққитини бурашқа урунуватқанлиқидәк муһим мәзмунларни оттуриға қойди.

Кристофир врай мундақ деди:» хитай узундин буян американиң учур-техника вә әқлий мүлүк һоқуқиға тәһдит болуп кәлмәктә. Дөлитимизниң иқтисадий гүллиниш вә тәрәққиятиға тосқунлуқ қилишқа урунмақта. Бу хил иқтисадий киңәймичилик арқилиқ дөлитимизниң иқтисадиғила тәһдит елип кәлмәстин бәлки дөләт бихәтәрликигиму тәһдит елип кәлмәктә «.

У йәнә хитайниң америка пуқралириниң шәхсий учурлирини топлиғанлиқи һәққидә тохтилип мундақ деди:» бу тәһдиткә сәл қариғили болмайду. Дөләтлик тәптиш мәһкимиси вә ташқи ишлар министириму бир қанчә һәптә ичидә бу һәқтә баянат елан қилиду. Әгәр бу мәсилини пәқәт истихбарат саһәсиниң, һөкүмәтниң вә ширкәтләрниңла мәсилиси дәп ойлиған болсаңлар хаталашқан болисиләр. Америка пуқралири уларниң асаслиқ нишани болуп, тарихтики әң кәң көләмлик иқтисадниң еқиши йүз бериватиду. Әгәр сиз яшлар ишлитиватқан көңүл ечиш характеридики әпләрни ишлитиватқан болсиңиз сизниң барлиқ учурлириңизни хитай оғрилап болди, дегәнлик «.

6-Июн ташқи ишлар министири помпейо» фокис хәвәрлири «ториниң мухбири лавра инграһамниң зияритини қобул қилғанда хитайниң иҗтимаий алақә әплирини, болупму тик токни чәкләшни ойлишиватқанлиқини билдүргәниди.

«Лукаут» ширкитиниң истихбарат вә хәвпсизлик тәтқиқати директори кристоф хебейсенниң радийомизға билдүрүшичә хитайда ишләнгән нурғун әпләр учур оғирлашни мәқсәт қилғаникән. Униң дейишичә'алтун бүркүт‹яман ғәрәзлик андироид юмталлириниң бири болуп, у тор очуқ яки очуқ болмиған шараиттиму телефонни контрол қилалайдикән. Телефондики текистни көрүп вә телефон сөһбитини аңлиялайдикән, телефон игиси буни сизәлмәйдикән.

Федератсийә тәкшүрүш идарисиниң мудири кристофир врай мундақ деди:» бу йәрдә хәтәрдә туруватқини пәқәт шәхсий учурларла әмәс, бәлки йәнә бизниң сағламлиқ, суғурта, бихәтәрлик системилиримиз. Федератсийә тәкшүрүш идариси һәр он саәттә бир хитайға мунасивәтлик дело тапшурувалиду. Һазир қолимиздики 5000 дин артуқ делониң йеримидин көпрәки хитайға мунасивәтлик. Йеқиндин буян, болупму корона вируси мәзгилидә хитай американиң сәһийә тәшкилатлири, дора ширкәтлири вә тәтқиқат мәркәзлири билән һәмкарлишшиқа күчәватиду «.

Кристофир врай йәнә мундақ деди:» тәһдитләрни билдуқ, әмди буниңға қарши қандақ тәдбир қоллинимиз дегәндә, америкалиқлар шу үч нуқитини исидә түтиши керәк: биринчидин, биз хитайниң мәқситини ениқ айдиңлаштурувелишимиз керәк. Хитай компартийәси техника вә иқтисад җәһәттә америкадин өтүп кетишни пиланлаватиду. Лекин қанунлуқ, адаләтлик риқабәт билән әмәс бәлки өз пуқралириниң әркин пикир қилишни тосуш, бастуруш, башқиларниңкини оғрилаш арқилиқ йәни васитә таллимай һәрикәт қиливатиду. , иккинчидин, америкалиқлар шуни билиши керәкки хитайлар техникилиқ үскүниләрдин пайдилинип, яшлардин пайдилиниватду. Пәқәт хитайниң истихбарат орунлирила әмәс бәлки хитайларниң нурғунлиған шәхсий ширкәтлири вә алий мәктәп оқуғучилири, тәтқиқатчилар хитайниң истихбарати үчүн ишләйду. Үчинчидин, хизмәт издәш үчүн торға чиққиниңларда хитайниң әплири силәрниң учуруңларни топлап маңиду, вә кейинки һөкүмәтниң қарарлирида силәргә тәсир қилишқа уруниду. Мәсилән хуавей ениқла хәлқара қанунға вә муштәриләрниң қануни һоқуқиға дәхли-тәруз қилған, изчил техника оғрилиған ширкәт. Хитай хәлқаралиқ җинайи җаза қануниға вә хәлқара тәртипкә хилаплиқ қилди. Биз буниңға қарап турмаймиз. Федератсийә тәкшүрүш идариси вә башқа органлар америка һөкүмити билән бирлишип хитайниң җавабкарлиқини сүрүштә қилимиз. Хәлқимиз ичидики пидаийлар билән бирликтә дөлитимизниң кәшпиятлирини, идийилирини, яшаш усулини қоғдаймиз «.

Һиндистан һөкүмитиму йеқинда TikTok, Helo вә WeChat қатарлиқ иҗтимаий алақә супилирини өз ичигә алған хитайниң 59 иҗтимаий алақә әплирини дөләтниң «игилик һоқуқи вә бихәтәрлики» гә елип кәлгән тәһдиткә қарши туруш үчүн чәклигәнликини елан қилғаниди.

Пикирләр (0)
Share
Толуқ бәт