FBI Ning mudiri kristofir wray: xitayning jawabkarliqi sürüshte qilinidu

Muxbirimiz nur'iman
2020-07-08
Élxet
Pikir
Share
Print
Amérika fédératsiye tekshürüsh idarisining bashliqi kristofir wray parlamént binasida ötküzülgen edliye komitétining yighinida guwahliq bermekte. 2020-Yili 5-féwral, washin'gton.
Amérika fédératsiye tekshürüsh idarisining bashliqi kristofir wray parlamént binasida ötküzülgen edliye komitétining yighinida guwahliq bermekte. 2020-Yili 5-féwral, washin'gton.
AP

7-Iyul küni xudsun instituti amérika fédératsiye tekshürüsh idarisi(FBI) ning mudiri kristofir wrayni teklip qilip, béyjingning amérikagha qaysi terepleridin suqunup kérishke urunuwatqanliqi we buninggha qarshi tedbirler toghrisida alahide söhbet élip bardi.

Amérika fédératsiye tekshürüsh idarisining mudiri kristofir wray xitayning amérika shirketlirige singip kirish arqiliq, amérikaning eqliy-mülklirini oghirlighanliqi, amérika uniwérsitétilirigha singip kirip, saxta uchur tarqitip, kommunizm idiyesini kéngeytiwatqanliqi, xitayning özining chöntikni tomlash üchün her xil usullar bilen amérikaning diqqitini burashqa urunuwatqanliqidek muhim mezmunlarni otturigha qoydi.

Kristofir wray mundaq dédi:" xitay uzundin buyan amérikaning uchur-téxnika we eqliy mülük hoquqigha tehdit bolup kelmekte. Dölitimizning iqtisadiy güllinish we tereqqiyatigha tosqunluq qilishqa urunmaqta. Bu xil iqtisadiy kingeymichilik arqiliq dölitimizning iqtisadighila tehdit élip kelmestin belki dölet bixeterlikigimu tehdit élip kelmekte ".

U yene xitayning amérika puqralirining shexsiy uchurlirini toplighanliqi heqqide toxtilip mundaq dédi:" bu tehditke sel qarighili bolmaydu. Döletlik teptish mehkimisi we tashqi ishlar ministirimu bir qanche hepte ichide bu heqte bayanat élan qilidu. Eger bu mesilini peqet istixbarat sahesining, hökümetning we shirketlerningla mesilisi dep oylighan bolsanglar xatalashqan bolisiler. Amérika puqraliri ularning asasliq nishani bolup, tarixtiki eng keng kölemlik iqtisadning éqishi yüz bériwatidu. Eger siz yashlar ishlitiwatqan köngül échish xaraktéridiki eplerni ishlitiwatqan bolsingiz sizning barliq uchurliringizni xitay oghrilap boldi, dégenlik ".

6-Iyun tashqi ishlar ministiri pompéyo" fokis xewerliri "Torining muxbiri lawra in'grahamning ziyaritini qobul qilghanda xitayning ijtima'iy alaqe eplirini, bolupmu tik tokni chekleshni oylishiwatqanliqini bildürgenidi.

"Luka'ut" shirkitining istixbarat we xewpsizlik tetqiqati diréktori kristof xébéysénning radiyomizgha bildürüshiche xitayda ishlen'gen nurghun epler uchur oghirlashni meqset qilghaniken. Uning déyishiche'altun bürküt'yaman gherezlik andiro'id yumtallirining biri bolup, u tor ochuq yaki ochuq bolmighan shara'ittimu téléfonni kontrol qilalaydiken. Téléfondiki tékistni körüp we téléfon söhbitini angliyalaydiken, téléfon igisi buni sizelmeydiken.

Fédératsiye tekshürüsh idarisining mudiri kristofir wray mundaq dédi:" bu yerde xeterde turuwatqini peqet shexsiy uchurlarla emes, belki yene bizning saghlamliq, sughurta, bixeterlik sistémilirimiz. Fédératsiye tekshürüsh idarisi her on sa'ette bir xitaygha munasiwetlik délo tapshuruwalidu. Hazir qolimizdiki 5000 din artuq déloning yérimidin köpreki xitaygha munasiwetlik. Yéqindin buyan, bolupmu korona wirusi mezgilide xitay amérikaning sehiye teshkilatliri, dora shirketliri we tetqiqat merkezliri bilen hemkarlishshiqa küchewatidu ".

Kristofir wray yene mundaq dédi:" tehditlerni bilduq, emdi buninggha qarshi qandaq tedbir qollinimiz dégende, amérikaliqlar shu üch nuqitini iside tütishi kérek: birinchidin, biz xitayning meqsitini éniq aydinglashturuwélishimiz kérek. Xitay kompartiyesi téxnika we iqtisad jehette amérikadin ötüp kétishni pilanlawatidu. Lékin qanunluq, adaletlik riqabet bilen emes belki öz puqralirining erkin pikir qilishni tosush, basturush, bashqilarningkini oghrilash arqiliq yeni wasite tallimay heriket qiliwatidu. , ikkinchidin, amérikaliqlar shuni bilishi kérekki xitaylar téxnikiliq üskünilerdin paydilinip, yashlardin paydiliniwatdu. Peqet xitayning istixbarat orunlirila emes belki xitaylarning nurghunlighan shexsiy shirketliri we aliy mektep oqughuchiliri, tetqiqatchilar xitayning istixbarati üchün ishleydu. Üchinchidin, xizmet izdesh üchün torgha chiqqininglarda xitayning epliri silerning uchurunglarni toplap mangidu, we kéyinki hökümetning qararlirida silerge tesir qilishqa urunidu. Mesilen xu'awéy éniqla xelq'ara qanun'gha we mushterilerning qanuni hoquqigha dexli-teruz qilghan, izchil téxnika oghrilighan shirket. Xitay xelq'araliq jinayi jaza qanunigha we xelq'ara tertipke xilapliq qildi. Biz buninggha qarap turmaymiz. Fédératsiye tekshürüsh idarisi we bashqa organlar amérika hökümiti bilen birliship xitayning jawabkarliqini sürüshte qilimiz. Xelqimiz ichidiki pida'iylar bilen birlikte dölitimizning keshpiyatlirini, idiyilirini, yashash usulini qoghdaymiz ".

Hindistan hökümitimu yéqinda TikTok, Helo we WeChat qatarliq ijtima'iy alaqe supilirini öz ichige alghan xitayning 59 ijtima'iy alaqe eplirini döletning "Igilik hoquqi we bixeterliki" ge élip kelgen tehditke qarshi turush üchün chekligenlikini élan qilghanidi.

Toluq bet