Франсийә парламентида йәнә бир қетим уйғурлар һәққидә гуваһлиқ аңлаш йиғини өткүзүлгән

Ихтиярий мухбиримиз уйғурай
2022-01-26
Share
Франсийә парламентида йәнә бир қетим уйғурлар һәққидә гуваһлиқ аңлаш йиғини өткүзүлгән Фирансийә парламентида парламент әзаси фердикус дамис ханим вә д у қ ниң фирансийәдә турушлуқ вәкили әсһәл һәмрайева ханимниң орунлаштуруши билән өткүзүлгән йәнә бир қетимлиқ уйғурлар һәққидә гуваһлиқ бериш йиғинидин кәйинки хатирә сурәт. 2022-Йили 26-январ, фирансийә.
RFA/Uyghur'ay

1-Айниң 26-күни фирансийә парламентида парламент әзаси фердикус дамис ханим вә дуня уйғур қурултийиниң фирансийәдә турушлуқ вәкили әсһәл һәмрайева ханимниң орунлаштуруши билән йәнә бир қетимлиқ уйғурлар һәққидә гуваһлиқ бериш йиғини өткүзүлгән.

20-январ күни франсийә парламенти қарар мақуллап, уйғур ирқий қирғинчилиқини рәсмий етирап қилғандин кейин, лагер шаһитлириниң арқиму-арқа бәргән гуваһлиқлири франсийә парламент әзалириниң күчлүк диққитини тартқан.

Бүгүн, йәни 1-айниң 26-күни өткүзүлгән мәзкур гуваһлиқ аңлаш йиғинға фирансийә парламентиниң бир қисим әзалири, голландийәдә турушлуқ лагер шаһиди қәлбнур сидиқ ханим, шундақла белгийә уйғур җәмийитиниң рәиси абдулмутәллип имир әпәнди қатарлиқ кишиләр қатнашқан.

Фирансийә парламентида парламент әзаси фердикус дамис ханим вә д у  қ ниң фирансийәдә турушлуқ вәкили әсһәл һәмрайева ханимниң орунлаштуруши билән өткүзүлгән йәнә бир қетимлиқ уйғурлар һәққидә гуваһлиқ бериш йиғинидин көрүнүш. 2022-Йили 26-январ, фирансийә.

Америкадики “коммунизм қурбанлири” қонди җәмийитиниң тәтқиқатчиси адриян зенир әпәнди, лондондики “уйғур сот коллегийәси” ниң рәиси җеффирий найс әпәндиму тор арқилиқ қатнишип, уйғурлар дуч келиватқан “ирқий қирғинчилиқ” пикир баян қилған.

Бүгүнки гуваһлиқ аңлаш йиғинға франсийәдики һәрқайсий партийә вәкиллири вә парламент әзалири болуп, 40 қа йеқин киши қатнашқан.

Йиғинда фирансийә парламентиниң рәиси янлос борлангин әпәнди вә парламент әзаси фердикус дамис ханим айрим-айрим сөз қилип, уйғурлар һәққидә тохталған.

Франсийә парламентидики гуваһлиқ аңлаш йиғини ахирлашқандин кейин, бүгүн чүштин кейин йәнә париж шәһәрлик һөкүмәтниң мәслиһәтчиси женивер каригос ханимниң орунлаштуруши билән париж шәһәрлик һөкүмәттиму уйғур ирқий қирғинчилиқини аңлитиш вә гуваһлиқ бериш йиғини өткүзүлгән.

Фирансийә парламентида парламент әзаси фердикус дамис ханим вә д у  қ ниң фирансийәдә турушлуқ вәкили әсһәл һәмрайева ханимниң орунлаштуруши билән өткүзүлгән йәнә бир қетимлиқ уйғурлар һәққидә гуваһлиқ бериш йиғинидин көрүнүш. 2022-Йили 26-январ, фирансийә.

Радиойимиз зияритини қобул қилған белгийә уйғур җәмийитиниң рәиси абдулмутәллип әпәндим бүгүнки бу йиғинниң әһмийити һәққидә сөз қилди.

Лагер шаһити қәлбинур сидиқ ханим бүгүнки бу гуваһлиқ аңлитиш йиғининиң наһайити әһмийәтлик өткәнликини, парламент әзалириниң уйғурларни қоллиғанлиқидин мәмнун болғанлиқини билдүрди.

Мәлумки, һазирғичә америка, әнглийә, канада, голландийә, литва,

Белгийә, чехийә, фирансийә қатарлиқ 8 дөләтниң парламентлири хитайниң уйғурларға йүргүзүватқан бастурушлирини “ирқий қирғинчилиқ” дәп җакарлиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт