Fransiye parlaméntida yene bir qétim Uyghurlar heqqide guwahliq anglash yighini ötküzülgen

Ixtiyariy muxbirimiz Uyghur'ay
2022-01-26
Share
Fransiye parlaméntida yene bir qétim Uyghurlar heqqide guwahliq anglash yighini ötküzülgen Firansiye parlaméntida parlamént ezasi férdikus damis xanim we d u q ning firansiyede turushluq wekili es'hel hemrayéwa xanimning orunlashturushi bilen ötküzülgen yene bir qétimliq Uyghurlar heqqide guwahliq bérish yighinidin keyinki xatire suret. 2022-Yili 26-yanwar, firansiye.
RFA/Uyghur'ay

1-Ayning 26-küni firansiye parlaméntida parlamént ezasi férdikus damis xanim we dunya Uyghur qurultiyining firansiyede turushluq wekili es'hel hemrayéwa xanimning orunlashturushi bilen yene bir qétimliq Uyghurlar heqqide guwahliq bérish yighini ötküzülgen.

20-Yanwar küni fransiye parlaménti qarar maqullap, Uyghur irqiy qirghinchiliqini resmiy étirap qilghandin kéyin, lagér shahitlirining arqimu-arqa bergen guwahliqliri fransiye parlamént ezalirining küchlük diqqitini tartqan.

Bügün, yeni 1-ayning 26-küni ötküzülgen mezkur guwahliq anglash yighin'gha firansiye parlaméntining bir qisim ezaliri, gollandiyede turushluq lagér shahidi qelbnur sidiq xanim, shundaqla bélgiye Uyghur jem'iyitining re'isi abdulmutellip imir ependi qatarliq kishiler qatnashqan.

Firansiye parlaméntida parlamént ezasi férdikus damis xanim we d u  q ning firansiyede turushluq wekili es'hel hemrayéwa xanimning orunlashturushi bilen ötküzülgen yene bir qétimliq Uyghurlar heqqide guwahliq bérish yighinidin körünüsh. 2022-Yili 26-yanwar, firansiye.

Amérikadiki “Kommunizm qurbanliri” qondi jem'iyitining tetqiqatchisi adriyan zénir ependi, londondiki “Uyghur sot kollégiyesi” ning re'isi jéffiriy nays ependimu tor arqiliq qatniship, Uyghurlar duch kéliwatqan “Irqiy qirghinchiliq” pikir bayan qilghan.

Bügünki guwahliq anglash yighin'gha fransiyediki herqaysiy partiye wekilliri we parlamént ezaliri bolup, 40 qa yéqin kishi qatnashqan.

Yighinda firansiye parlaméntining re'isi yanlos borlan'gin ependi we parlamént ezasi férdikus damis xanim ayrim-ayrim söz qilip, Uyghurlar heqqide toxtalghan.

Fransiye parlaméntidiki guwahliq anglash yighini axirlashqandin kéyin, bügün chüshtin kéyin yene parizh sheherlik hökümetning meslihetchisi zhéniwér karigos xanimning orunlashturushi bilen parizh sheherlik hökümettimu Uyghur irqiy qirghinchiliqini anglitish we guwahliq bérish yighini ötküzülgen.

Firansiye parlaméntida parlamént ezasi férdikus damis xanim we d u  q ning firansiyede turushluq wekili es'hel hemrayéwa xanimning orunlashturushi bilen ötküzülgen yene bir qétimliq Uyghurlar heqqide guwahliq bérish yighinidin körünüsh. 2022-Yili 26-yanwar, firansiye.

Radi'oyimiz ziyaritini qobul qilghan bélgiye Uyghur jem'iyitining re'isi abdulmutellip ependim bügünki bu yighinning ehmiyiti heqqide söz qildi.

Lagér shahiti qelbinur sidiq xanim bügünki bu guwahliq anglitish yighinining nahayiti ehmiyetlik ötkenlikini, parlamént ezalirining Uyghurlarni qollighanliqidin memnun bolghanliqini bildürdi.

Melumki, hazirghiche amérika, en'gliye, kanada, gollandiye, litwa,

Bélgiye, chéxiye, firansiye qatarliq 8 döletning parlaméntliri xitayning Uyghurlargha yürgüzüwatqan basturushlirini “Irqiy qirghinchiliq” dep jakarlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet