Дилнур рәйһан: "фирансийә хитайниң уйғурларға қилған вәһшийликини ирқий қирғинчилиқ, дәп аташни ойлишишқа мәҗбур болмақта"

Мухбиримиз меһрибан
2021-04-01
Share
Дилнур рәйһан: Фирансийә ташқи ишлар министири җән йивес ле дриан(Jean-Yves Le Drian) ахбарат елан қилиш йиғинида сөз қилмақта. 2021-Йили 11-март, париж, фирансийә.
REUTERS

Фирансийә ташқи ишлар министири җән йивес ледриан йеқинда фирансийә таратқулириниң зияритини қобул қилғанда, фирансийәниң хитайниң уйғурларға қилған вәһшийликини "қирғинчилиқ" дәп аташ үчүн ойлишишқа һазир икәнликини билдүргән.

Фирансийә финфо радийосиниң хәвәр қилишичә, фирансийә ташқи ишлар министири җән йивес өткән җүмә күни мәзкур радийоға қилған сөзидә, "бу аталғу башқуруш тәвәликидики аталғу. У сорашқа әрзийду, биз бу темида ойлишишқа тәйярмиз" дегән.

1-Апрел күни фирансийәдики уйғур паалийәтчилиридин "явропа уйғур институти" ниң башлиқи дилнур рәйһан ханим зияритимизни қобул қилип, бу һәқтики қарашлирини оттуриға қойди.

Дилнур рәйһан ханимниң билдүрүшичә, фирансийә ташқи ишлар министири җән йивес ледрианниң фирансийәниң хитайниң уйғурларға қилған вәһший қилмишини "қирғинчилиқ" дәп аташ үчүн ойлишишқа һазир икәнликини таратқуларда ашкара ипадилишигә, көп хил амиллар сәвәб болған икән.

Униң қаришичә, нөвәттики хәлқара вәзийәттә, америка-явропа дөләтлиридә, "уйғурлар ирқий қирғинчилиққа учриған" лиқи етирап қилинған, франсийәсниң хитай билән болған мунасивити йирикләшкән.

Фирансийә дөләт ичи вәзийитидә болса, уйғурларни қоллаш садалири барғанчә күчәйгән.

Дилнур ханим бу һәқтә тохтилип, "явропа уйғур институти" дики тәтқиқатчилар тәйярлап елан қиливатқан уйғур вәзийити һәққидики хәвәр-доклатлар, фирансийә парламентидики 55 парламент әзасидин тәркиб тапқан "уйғур сәпдашлиқ гурупписи", 250 шәһәрдә қурулған "уйғурларни қоллаш яшлар гурупписи" қатарлиқларниң тәшәббуси қатарлиқ һәр тәрәплимә амилларниң фирансийә һөкүмитиниң бу мәсилини оттуриға қоюшиға шараит һазирлиғанлиқини билдүрди.

Юқириқи аваз улинишидин программиниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт