Firqet jewdet: "Apam we pütün Uyghurlar üchün awaz chiqirimen, xitaydin qorqidighan yérim qalmidi"

Muxbirimiz sada
2019-05-27
Élxet
Pikir
Share
Print
Amérikining tashqi ishlar ministiri mayk pompéyon ependi amérikidiki Uyghur yashliridin firqet jawdet ependini qizghin kütüwaldi. 2019-Yili 26-mart, washin'gton.
Amérikining tashqi ishlar ministiri mayk pompéyon ependi amérikidiki Uyghur yashliridin firqet jawdet ependini qizghin kütüwaldi. 2019-Yili 26-mart, washin'gton.
Photo: RFA

Xitay hökümiti Uyghur diyarida atalmish "Qayta terbiye" lagérlirini berpa qilghandin buyan rayondiki milyonlighan Uyghur we bashqa yerlik milletler bu xildiki lagérning qurbanlirigha aylanmaqta.

Gerche xitay hökümiti rayondiki bu weziyetni izchil tashqi dunyadin yoshurup, uni atalmish "Esebiylikni tügitish", "Térrorluqning aldini élish" we "Rayonning ebediy eminlikini ilgiri sürüsh" dep teshwiq qiliwatqan bolsimu, lékin muhajirettiki Uyghurlarning lagérdiki ata-anisi we uruq-tughqanliri heqqide bergen guwahliqliri bu jaylarning xitay hökümiti dewatqinidin tolimu perqliq ikenlikini körsetmekte.

2011-Yili 1-ayda ini-singilliri bilen amérikagha kelgen, nöwette washin'gton shehiri etrapida yashawatqan firqet jewdet Uyghur diyarida qep qalghan, kéyin xitay hökümiti teripidin tutqun qilin'ghan apisining nöwettiki weziyitini amérikadiki dangliq axbarat wasitiliri arqiliq tashqi dunyagha ashkarilidi.

Yuqiriqi awaz ulinishidin muxbirimiz sadaning firqet jewdet bilen ötküzgen söhbitining tepsilatini anglighaysiler.

Toluq bet