Istanbul Uyghur nawayxanisidiki fransuz naway lé'o maylét bilen söhbet

“Istanboldiki Uyghur nawayxanisida bir fransuz naway ishleydiken” dégen uchur ijtima'iy taratqularda tarqilip, diqqitimizni tartti. Biz özige “Shir'eli” dep yarashturup Uyghurche isim qoyuwalghan bu fransoz yigitni sürüshtürüp taptuq. Uning esli fransuzche ismi lé'o maylét (Léo Maillet) iken. So'allirimizgha pütünley Uyghur tilida jawab bergen bu yigit, shiwitsariye jenwe uniwérsitétining jem'iyetsunasliq kespide doktorluq ilmiy unwani üchün oquwatqan iken. Uning Uyghur tilini parizh we istanbul qatarliq sheherlerde öginiwatqinigha 4 yildek boptu. Ziyaritimiz jeryanida u: “Men -2014yili sherqiy türkistan'gha axiriqi qétim bardim we Uyghurlarning nénigha hemmidin bekrek ishtiyaq baghlidim” dégenlerni alahide tekitlidi.

Lé'o maylét töt yildin buyan mexsus Uyghurlarning nan medeniyitini tetqiq qilmaqtiken. Uning hazirqi asasliq tetqiqat nuqtisi muhajirettiki Uyghurlarning özliri yashawatqan döletlerde nan medeniyitini saqlash tirishchanliqliri, shundaqla  nanning ularning ijtima'iy turmushida tutqan ornigha merkezleshken iken.

Töwende muxbirimiz gülchéhrening shir'eli, yeni istanbul Uyghur nawayxanisidiki fransuz naway lé'o maylét bilen ötküzgen bu heqtiki mexsus söhbitige diqqet bergeysiler.