Gérmaniye parlaméntida "Xitaydiki az sanliq milletlerning diniy weziyiti heqqide guwahliq bérish yighini" ötküzüldi

Ixtiyariy muxbirimiz ekrem
2019-05-08
Élxet
Pikir
Share
Print
Gérmaniye parlaméntidiki guwahliq yighinida d u q re'isi dolqun eysa ependi Uyghur diyaridiki jaza lagérliri mesilisi toghrisida guwahliq berdi. 2019-Yili 8-may.
Gérmaniye parlaméntidiki guwahliq yighinida d u q re'isi dolqun eysa ependi Uyghur diyaridiki jaza lagérliri mesilisi toghrisida guwahliq berdi. 2019-Yili 8-may.
RFA/Ekrem

Gérmaniye parlaméntidiki guwahliq yighinida dunya Uyghur qurultiyining re'isi dolqun eysa ependi Uyghur diyaridiki jaza lagérliri mesilisi toghrisida guwahliq berdi.

Bérlindiki yighin neq meydanidin igiligen melumatlirimizgha asaslan'ghanda, bügün, yeni 8-may chüshtin kéyin gérmaniye parlaméntida "Xitaydiki az sanliq milletlerning diniy weziyiti heqqide guwahliq bérish" yighini ötküzülgen. Yighinni hakimiyet béshidiki partiyelerdin xristi'an sotsiyal partiyesi, xristi'an démokratlar partiyesi, sotsiyal démokratlar partiyesi, yéshillar partiyesi qatarliq partiyeler qollighan bolup, yighin'gha erkin démokratlar partiyesidin giyde yensén xanim riyasetchilik qilghan. Yighin sa'et 15:00-18:00 ghiche 3 sa'et dawamlashqan.

Yighinda xitay mustemlikisi astidiki Uyghurlar we tibetlerge yürgüziliwatqan diniy étiqad depsendichiliki, bolupmu Uyghur diyaridiki jaza lagérliri mesilisi nuqtiliq muhakime témisi bolghan.

D u q re'isi dolqun eysa, tehdit astidiki xelqler teshkilatining diréktori ulrik déliyus, dalay lamaning yawropadiki sabiq wekili kélsang gyaltsén, xitaydiki organ etkeschiliki tetqiqat merkizining xadimi dawid li, kishilik hoquqni közitish teshkilati gérmaniye shöbisining diréktori wenzél mikalskiy, merkizi bérlindiki mérkato xitay tetqiqat institutining xadimi proféssor, doktor frank payké, tübin'gen xitay merkizining tetqiqat xadimi proféssor, doktor hélwig shimidt glintzér qatarliqlar yighinda guwahliq sözi sözligen.

Mezkur yighin'gha Uyghurlargha wakaliten d u q re'isi dolqun eysa ependi guwahliq bérish üchün teklip qilin'ghan bolup, uning yighin meydanidin bergen melumatlirigha asaslan'ghanda, bu yighin'gha gérmaniye parlaméntidiki köpligen partiyelerning wekilliri we parlamént ezaliri qatnashqan.

Dolqun eysa ependi bu yighinda sherqiy türkistanning nöwettiki weziyiti we xitay tesis qilghan jaza lagérliridiki insan qélipidin chiqqan éghir paji'eler toghrisida d u q hazirgha qeder qolgha chüshürgen pakitlar asasida guwahliq bergen.

Yighin'gha d u q diniy ishlar komitétining mudiri, sherqiy türkistan ölimalar birlikining mu'awin re'isi turghunjan alawudun ependimu qatnashqan bolup, sherqiy türkistandiki jaza lagérliri mesilisining bu yighin'gha ishtirak qilghan parlamént ezaliri arisida jiddiy diqqet qozghighanliqini tilgha aldi.

Yighin'gha ishtirak qilghan d u q fondining mudiri abdujélil emet ependining tekitlishiche, sherqiy türkistandiki jaza lagérliri mesilisi, bolupmu Uyghur musulmanliri üstidin yürgüziliwatqan diniy depsendichilik, medeniyet qirghinchiliqi, irqiy tazilash we chektin ashqan teqib sistémiliri yighinda bashqa millet alimliri we siyasiy aktiplirining aghzidin tepsiliy bayan qilinip, küchlük ghulghula qozghighan.

Bu qétimqi yighin'gha qatnashqan myunxéndiki jama'et erbabi ablimit tursun ependi bu yighinda hetta xitayning qattiq qol siyasitige yardem bergen küchlerni éniqlap jazalash pikirliriningmu otturigha chüshkenlikini eskertti.

Toluq bet