Gollandiyede xitaygha qarshi zor kölemlik namayish we resim körgezmisi ötküzüldi

Gollandiyede yashawatqan Uyghur jama'iti “5-Iyul ürümchi qirghinchiliqi” ning 12 yilliqini xatirilesh munasiwiti bilen zor kölemlik namayish we resim körgezmisi uyushturdi.

7-Ayning 3-we 4-künliri yawropa sherqiy türkistan ma'arip jem'iyitining orunlashturushi bilen “5-Iyul ürümchi qirghinchiliqi” ning 12 yilliqini xatirilesh pa'aliyetliri ötküzüldi. Buningda Uyghur medeniyiti we Uyghurlar nöwette duch kéliwatqan irqiy qirghinchiliqni tonushturush üchün resim körgezmisi ötküzüldi.

Radiyoyimiz ziyaritini qobul qilghan yawropa sherqiy türkistan ma'arip jem'iyitining re'isi abdurahman abdulla ependi bu pa'aliyetler heqqide uchur berdi.

7-Ayning 4-küni gollandiye paytexti amistérdam shehiridiki dam meydanida “5-Iyul ürümchi qirghinchiliqi” ning 12 yilliqini xatirilesh munasiwiti bilen xitaygha qarshi chong kölemlik namayish ötküzüldi. Bu namayishni gollandiye sherqiy türkistan teshkilatlar ittipaqi orunlashturghan bolup, namayish 2 sa'et dawamlashti.

Bu qétimqi namayishqa jem'iy 150 ke yiqin kishi qatnashqan bolup, namayish nahayiti janliq we heywetlikshekilde ötküzüldi. Radiyoyimiz ziyaritini qobul qilghan gollandiye sherqiy türkistan teshkilatlar ittipaqining re'isi obulqasim abliz ependi namayishning ehmiyiti heqqide söz qildi.

Bügün “5-Iyul ürümchi qirghinchiliqi” ning 12 yilliq xatire küni. Nöwette Uyghur xelqi xitay da'irilirining irqiy qirghinchiliqigha uchrap, tarixtiki eng qiyin künlerni béshidin ötküziwatqan bolsimu, emma dunyaning her qaysiy jayliridiki Uyghurlar xitayning insaniyetke qarshi bu jinayetlirini pütün dunyagha anglitish üchün ümidwarliq we kelgüsige bolghan ishench bilen küresh qilmaqta.