Uyghurlarni asas qilghan köchmenlerning tehditke uchrishining aldini élish teklip layihesi gollandiye parlaméntining qararidin ötken

Muxbirimiz méhriban
2021-10-14
Share
Uyghurlarni asas qilghan köchmenlerning tehditke uchrishining aldini élish teklip layihesi gollandiye parlaméntining qararidin ötken Uyghurlarni asas qilghan köchmenlerning tehditke uchrishining aldini élish teklip layihisini sun'ghan gollandiye parlamént ezasi rubén brékélmans(Ruben Brekelmans) ependi gollandiye parlaméntida. 2021-Yili 31-mart.
Ruben Brekelmans ependining Facebook hésabatidin élin’ghan

Uyghurlarni asas qilghan köchmenlerning tehditke uchrishining aldini élish teklip layihesi 12-öktebir küni gollandiye parlaméntining qararidin ötken.

Melum bolushiche, "Parlamént ezasi brékélmanning gollandiyediki köchmenlerning chet el hökümetlirining tehdidige uchrash ehwali gollandiyening kishilik hoquq siyasitidin orun élish heqqidiki teklip layihesi" dégen namdiki bu teklip layihesi, gollandiye parlamént ezasi rubén brékélman teripidin sunulghan iken.

Mezkur teklip layihesi gollandiye parlaméntining tor bétide resmiy élan qilin'ghan. Mezkur layihening mezmunidin melum bolushiche, uningda gollandiyede yashawatqan Uyghurlar we bashqa köchmenlerni xitay jasusliri yaki bashqa mustebit döletlerning bésimliri hem tehditiliridin qoghdash otturigha qoyulghan. Uningda Uyghur qatarliq köchmenlerning tehditke uchrash mesilisini döletning kishilik hoquq siyasiti boyiche mexsus höjjet chiqirip, buni gollandiyening yilliq kishilik hoquq doklatigha kirgüzüsh qatarliq mezmunlar otturigha qoyulghan.

Igilinishiche, gollandiyediki Uyghur teshkilatliridin "Gollandiye Uyghur kishilik hoquq fondi" gollandiyediki Uyghurlarning xitay hökümitining türlük tehditlirige uchrash ehwali heqqide gollandiye hökümiti we bir qisim siyasiy partiyelerning rehberliri bilen körüshüp, bu mesilini hel qilish yolliri üstide pikirleshken iken.

"Gollandiye Uyghur kishilik hoquq fondi" din exmetjan qasim radiyomiz ziyaritini qobul qilip, gollandiye parlamént ezasi rubén brékélman teripidin otturigha qoyulghan bu teklip layihesining wujutqa chiqishi heqqide melumat berdi.

Exmetjan qasimning bildürüshiche, bu teklip layihesini otturigha qoyghan parlamént ezasi rubén brékélman ependi gollandiye tashqiy ishlar ministérliqining xitay we asiya elliri ishlirigha mes'ul xadimi iken.

Gollandiyediki Uyghur pa'aliyetchiliridin asiye Uyghur xanimmu ziyaritimizni qobul qilip, mezkur teklip layihesining kelgüside gollandiyede yashawatqan Uyghurlarning shexsiy bixeterliki we xatirjemlikige élip kélidighan kapaliti, shuningdek emeliy ünümi heqqide toxtaldi.

Asiye xanim mundaq dédi: "Bu teklip layihesining gollandiye parlaméntida qarardin ötüshi, gollandiyediki Uyghurlarning, bolupmu Uyghur siyasiy aktiplirining xitay hökümitining her xil hujum-tehditlirige uchrash ehwaligha qarita gollandiye dölitining arlishidighanliqidin dérek béridu."

Yoquriqi awaz ulinishidin tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet