"хеңда гуруһи" ниң қәрз кризиси давамлашмақта

Ихтиярий мухбиримиз азиғ
2021-11-11
Share
"хеңда гуруһи" бинасиниң алдидики намайишчиларни тосуп турған сақчилар. 2021-Йили 17-сентәбир, шенҗен.
REUTERS

Қәрз кризисиға боғулған "хеңда гуруһи" 10-айда төләш вақти тошқан ташқи қәрзиниң өсмини төлийәлмәй, төләш муддити 30 күнлүк муддәт билән узартилғаниди. Нөвәттә, "хеңда гуруһи" ниң үч ташқи қәрзиниң 148,1 милйон долларлиқ өсүмини төләш вақти 10-ноябир күни тошқан.

"ню-йорк вақти" гезити вә "бломбәрг" агентлиқиниң хәвиридә "хеңда гуруһи" ниң қәрз өсүмлирини төлигәнликигә аит хәвәр елан қилинған болуп, "ройтерс" агентлиқиниң хәвиридә болса қәрз өсүмини төлийәлмигәнлики ейтилған.

Хитайдики әң чоң өй-мүлүк ширкәтлириниң бири болған "хеңда гуруһи" 9- вә 10-айларда муддити тошқан қәрз өсүмлирини төлийәлмигән иди.

"хеңда гуруһи" ниң омумий қиммити 2.38 Тирилйон йүән болуп, нөвәттә мәзкур ширкәтниң омумий қәрзи хитайниң ички ишләпчиқириш омумий қиммитиниң 2% ни игиләйдикән.

Америкадики уйғур зиялийлиридин иқтисадшунас қәйсәр миҗит әпәнди зияритимизни қобул қилип, "хеңда гуруһи" ниң кирзисқа петип қилишиниң сәвәблири вә "хеңда гуруһи" ниң қәрз киризисиға петип қилишиниң хитай иқтисадиға көрситиватқан тәсири тоғрисида тәпсилий тохтилип өтти.

"хеңда гуруһи" өткән бирнәччә йилдин буян хитай һөкүмитиниң түрлүк бастурушлириға вә чәклимилиригә дуч келиватқан болуп, 20-сентәбирдә мәзкур ширкәтниң ню-йорк пай чеки базиридики пайлири зор дәриҗидә чүшүшкә башлиған. Нәтиҗидә "хеңда гуруһи" 300 милярд америка доллири қәрзгә боғулуп, хитай иқтисадиға еғир тәһдит шәкилләндүргән. "хитайға мәбләғ селип пайда елиш" ни мәркәз қилған сода әндизиси еғир кризисқа дуч кәлгән болуп, ғәрб пул-муамилә аппаратлириниң хитайдики пул-муамилә саһәсигә болған ишиниши төвәнләшкә башлиған. Мутәхәссисләр бу қәдәр зор көләмдики бир ширкәтниң интайин аз өсүм қәрзлирини төлийәлмәсликини, чоң көләмдики қәрз кризисниң йетип келиш алдида икәнликиниң бешарити дәп қаримақта.

Хитай ишлири мутәхәссиси мәмәттохти атавулла әпәнди зияритимизни қобул қилип, хитайниң өй-мүлүк саһәсидә йүз бериватқан кризисниң хитайдики сиясий муқимлиққа вә бихәтәрликкә тәсир көрситидиғанлиқини ейтти.

Нөвәттә "хеңда гуруһи" ниң 171 банка вә 121 пул муамилә аппаратиға қәрзи бар болуп, хеңда гуруһи қәрзлирини төләштә мәғлуп болса, хитайда кәң көләмдә пул муамилә кризиси йүз бериши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт