Heptilik xewerler (22-28 - yanwar)


2005-01-28
Share

Amérika xitayning rabiye qadirni qoyup bérishini telep qildi

Charshenbe yeni 26- yanwar küni amérika dölet mejliside ötküzülgen rabiye qadirgha rafto mukapatini tapshurush murasimigha qatniship, söz qilghan amérika tashqi ishlar ministirlikining sherqiy asiya ishlirigha mesul mu'awin yardemchi tashqi ishlar ministiri randi shrewd &# xFEE9;r ependi mundaq dédi؛

"Amérika rabiye qadir mesilisi shundaqla bashqa kishilik hoquq mesililirini xitay hökümitige dawamliq eskertip turidu. Chünki, kishilik hoquq xitay-amérika munasiwetliridiki muhim mesililerning biri".

Bu murasimda söz qilghan amérika awam palata ezasi frank wolf bush hökümitining rabiye qadir mesilisige köngül bölüshining yéterlik bolmaywatqanliqini tekitlesh bilen birge amérikining yéngi tashqi ishlar ministiri kondaliza rayis shundaqla prizdént bushqa xet yézip, ularning xitay hökümitini rabiye qadirni qoyup bérishke qistishini telep qilishni otturigha qoydi.

Bu murasimda yene xelqara kechürüm teshkilati washin'gton ishxanisining bashliqi t. Kumar "prizdént bushning rabiye qadir mesilisige köngül bölüsh mejburiyiti bar, chünki rabiye qadir 1999-yili 8-ayda ürümchini ziyaret qilishqa barghan amérika dölet mejlisining wekilliri bilen körüshkili kétiwatqanda qolgha élin'ghan " dédi.

Rafto mukapatini tapshurush murasimi ötküzildi

Amérika dölet mejlisidiki bu qétimliq murasim norwégiyidiki rafto fondi jemiyiti, amérika démokratiyini ilgiri sürüsh fondi we amérika Uyghurliri birliki qatarliq organlar teripidin uyushturulghan bolup, buninggha amérikining siyaset we insan hoquqi sahesidiki erbablar, dölet rehbiri xadimliri, proféssorlar hem bashqilar qatnashti.

Murasim nahayiti daghdughiliq we tesirlik ötken bolup, rafto fondi jemiyitining mesuli, rabiye qadirning pa'aliyetliri heqqide toxtaldi shuningdek yene ataqliq Uyghur sha'iri abduréhim ötkürning "iz " namliq shé'iridin misal keltürüp, uni Uyghurlarning hayatigha tedbiqlidi.

Murasim yighinida yuqirida ismi atalghan kishilerdin bashqa yene amérika tashqi ishlar ministirlikining démokratiye ishlirigha mesul yardemchi tashqi ishlar ministiri lorn kraynér we bashqa ikki neper dö &# xFEDF;et mejlisi ezasi, chéx jumhuriyitining elchisi we bashqilar söz qildi.

Bu murasimda rabiye qadirgha bérilgen mukapatni tapshuruwalghan sidiq haji rozi ependimu söz qilip, amérika hem norwigiye hökümetlirige rehmitini bildürdi.

Rafto fondi jemiyitining rehberliri erkin asiya radi'osida

Rabiye qadir xanimgha bérilgen rafto mukapatini tapshurush üchün murasim ötküzüsh meqsitide amérikigha kelgen rafto fondi jemiyitining 6 kishilik wekiller ömiki charshenbe küni chüshte erkin asiya radi'o istansisigha kélip, munasiwetlik rehberler we Uyghur bölümi xadimliri bilen söhbetleshti.

Rafto fondi jemiyitining re'isi arniy lingar ependi mundaq dédi؛

" Biz rafto mukapatini tarqitish murasimini amérika dölet mejliside ötküzüsh pursitige ige bolghinimizgha intayin xushal bolduq, biz ötken yili noyabirda norwigiyige bérip, rabiye qadir xanimgha wakaliten mukapat tapshurup élishqa uning yoldishi sidiq haji rozi ependini teklip qilghan iduq. Biraq, shara'it yar bermigenliktin, bu emelge ashmidi. Shunga biz amérika Uyghurliri birliki we amérika döletlik démokratiyini ilgiri sürüsh fondining yardimi bilen amérika dölet mejliside rabiye qadir xanimgha rafto mukapatini tarqitish murasimini qayta ötküzmekchi bolduq. Jemiyitimiz mukapat bérish bilenla cheklinip qalmaydu, bu bir bashlinish, biz dawamliq türde Uyghur dewasini ilgiri sürüsh üchün tirishchanliq körsitimiz".

Rafto fondi jemiyitining rehberliri yene mezkur jemiyetning nobél mukapatini élishtimu muhim rol oynaydighanliqini bildürdi.

Béyjing washingtonning chaqiriqini ret qildi

Xitay hökümiti peyshenbe küni bayanat élan qilip, amérikining démokratiyini ilgiri sürüsh we kishilik hoquq weziyitini yaxshilash heqqidiki chaqiriqini ret qildi.

Amérika prizdénti jorji bush charshenbe küni xitay rehberlirini kishilik hoquq weziyitini yaxshilashqa chaqirghan idi.

Amérika tashqi ishlar minisitirliqimu ötken heptide kishilik hoquq mesilisining amérika-xitay munasiwitidiki bir tosalghu ikenlikini tekitlep, xitayning démokratiyini yolgha qoyup, kishilik hoquqni hörmet qilmighiche amérikining yéqin ittipaqdéshi bolalmaydighanliqini körsetken.

B d t ottura asiyaning bixeterlik mesililirini muzakire qildi

Birleshken döletler teshkilatining térrorchiliqqa qarshi turush komitéti ötken hepte qazaqistanda yighin échip, bixeterlik weziyitini muzakire qildi.

Xewerlerge qarighanda térrorchiliqqa qarshi turush mesilisi ottura asiya memliketliridiki muhim nuqtiliq mesile dep qaralmaqta.

Xewerlerge qarighanda shangxey hemkarliq teshkilati bilen ottura asiyadiki kolléktip bixeterlik kélishimi teshkilati birliship, ottura bir qisim térrorluq teshkilatlirining tizimlikini turghuzghan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet