Heptilik xewerler ( 30- april 6-may)


2005-05-06
Share

Uyghur wekilliri xelqara yighinda

4-May küni italiyining taghliq réta shehiride italiye réti muhajirlar jemiyiti, italiye tenheriketchiler birleshmisi, finlandiye qizil krést jemiyiti we dunya Uyghur qurultiyi qatarliq alte teshkilat birliship, "tosaqlardin ötüsh" dégen témida muhakime yighini achqan. Bu pa'aliyette dunya Uyghur qurultiyining bash katipi dolqun eysa Uyghurlarning nöwette uchrawatqan türlük mesililiri shuningdek Uyghur medeniyitining yoqitilishqa qarap yüzlendüriliwatqanliqini otturigha qoydi.

Türkiyide Uyghurlarning kishilik hoquq mesilisi heqqide yighin échildi

Türkiyining enqere shehiride 30-aprél we 1-may künliri türk dunyasi kishilik hoquq jemiyiti we dunya Uyghur qurultiyi birliship, "sherqiy türkistandiki kishilik hoquq mesililiri" dégen témida muhakime yighini achqan. Buninggha dunya Uyghur qurultiyi re'isi erkin aliptékin we pexri re'isi général réza békin qatarliqlar hemde yene turkiyining ataqliq siyasiyonliri, jemiyet bashliqliri ishtirak qilip, söz qilghan.

Yighinda en'giliyining ataqliq yazghuchisi, " xitayning gherbidiki wehshi ölke" namliq kitabning aptori kristiyan teyler ependi "sherqiy türkistan we xitay "dégen témida doklat bergen. U xitayning Uyghurlargha qaritiwatqan siyasetlirini tenqid qilghan.

Qirghizistan Uyghur sodigerlirining östürülüsh ehwalini éniqlimaqchi

Qirghizistan edliye orgining bashliqi ötken heptide qirghizistanni ziyaret qilghan amérika Uyghurliri jemiyitining wekili bilen körüshkende, ötken yili qirghizistanning narén oblastida yüz bergen Uyghur éligha mangghan aptobusni köydürüp, uningdiki Uyghur sodigerlirini öltürüsh weqesini dawamliq éniqlaydighanliqini bildürgen.

Qirghizistan edliye xadimining ashkarilishiche, bu aptobustiki 19 jeset Uyghurlarning bolup, xitay shopurni öz ichige alghan 5 ademning iz dériki yoq iken. Eyni waqitta bu délo dawamliq tekshürülüsh élip bérilmighan bolup, aqayéw hökümiti kona aditi boyiche bu aptobusni atalmish sherqiy türkistan térrorchilirining sadir qilghanliqini élan qilip, Uyghur xelqining naraziliqini qozghighan idi. Qirghizistan da'iriliri béshkekte yüz bergen bir qatar weqelerning sirliq ikenlikini bildürmekte.

Teywen xelqperwer partiyisi rehbiri xitayni ziyaret qilghan

Teywendiki "xelqperwerler partiyisi" ning re'isi song chuyü xitayni ziyaret qilghan. U aldi bilen shi'en qatarliq jaylarda bolghandin kéyin, yene béyjing , shangxey qatarliq sheherlerni ziyaret qilishni aldin pilan qilghan. Song chuyü, xa'ung xé deryasi boyidiki xitaylarning ejdadi hésablan'ghan xu'angdining qebrisige bérip, tawap qilish pa'aliyiti ötküzgen.

Song chuyü, xitay gomindang partiyisining re'isi lyan jandin kéyinki xitayni ziyaret qilghan ikkinchi partiye rehbiri bolup, bularning chong quruqluqni tushmu-tushtin ziyaret qilip, xitay kompartiye rehbiri xu jintaw bilen körüshishi xelqara jemiyetning diqqitini qozghighan.Emma, gomindang partiyisining re'isi lyanjanning ziyaritidin kéyin teywen ittipaq partiyisi lyan janni eyiblep, uning üstidin teywen aliy sotigha eriz sun'ghan hemde uning qanun'gha xilapliq qilghanliqini körsetken.

El qa'idening üchinchi nomurluq adimi qolgha chüshken

Pakistan da'iriliri ötken heptide el-qa'ide teshkilatining yuqiri derijilik rehbirini qolgha chüshürgenlikini bildurdi. Abu faraj el libib isimlik bu adem mezkur teshkilatning 3- derijilik rehbiri bolup, uning osama bin ladénning nege yoshurun'ghanliqini bilishi mumkinliki perez qilinmaqta.

Wéytnam bash ministiri amérikini ziyaret qilmaqchi

Xewerlerge qarighanda amérika bilen wétnam diplomatik munasiwet ornatqan on yildin buyan bu ikki döletning munasiwetliri üzlüksiz yaxshilinishqa bashlighan, yéqinda wétnam bash minisitiri mexsus amérikini ziyaret qilidighanliqini élan qilghan bolup, küzetküchiler buni wétnamning xitayning tehditige taqabil turush üchün tallighan yol bolushi mumkin dep qarimaqta. Bu yil amérika bilen wétnam arisidiki urushning axirlashqanliqining 30 yilliqi bolup hésablinidu. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet