Heptilik xewerler (25 – noyabir – 1 – dékabir)


2006.12.01
Share on WhatsApp
Share on WhatsApp

Rabiye qadir xanim yawropa parlaméntida

D u q re'isi, Uyghur milliy herikitining rehbiri rabiye qadir xanim 11 – ayning 27 – küni gérmaniyidiki pa'aliyetlirini axirlashturup, d u q ning mu'awin re'isi esqerjan, d u q ijra'iye komitétining re'isi alim séyit ependilerning hemrahliqida shu küni kech bélgiye paytexti bryussélgha bérip, 11 – ayning 28 – küni we 29 – künliri yawropa parlaméntining yuqiri derijilik rehberliri bilen söhbetler élip barghan.

Rabiye qadir xanim ötken düshenbe kün yene gérmaniye bawariye shtatining yuqiri derijilik hökümet emeldarliri, parlamént ezaliri we siyasi partiye rehberliri bilen alahide uchrishish élip bardi. U, gérmaniye yéshillar partiyisining bawariye komitéti mesuli margarita xanim bilen uchrashqanda margarita xitayning myunxéndiki bash konsulini "jasusluq qilish" bilen eyiplidi.

Rabiye xanimning yawropa sepirining utuqluq boluwatqanliqi bildürülmekte.

Rafto fondi jemiyiti alim abduréhimgha jaza hokum qilinishigha qarita küchlük inkas qayturdi

Norwigiye rafto fondi jemiyiti rabiye qadir xanimning oghli alim abduréhimning 7 yilliq qamaqqa höküm qilinishi munasiwiti bilen 28 - noyabir küni mexsus naraziliq ochuq xéti élan qilghan bolup, bu xet norwégiyidiki kishlik hoquq organliri, tashqi ishlar ministirliqi we parlaméntidiki xitay ishlirigha mesul komitétqa we shexslerge yollan'ghan. Rafto fondi jemiyitining bashliqi arna ependi rabiye qadirning dunya uygur qurultiyining re'isi bolghanliqini tebriklesh bilen birge xitay da'irilirining qilmishini eyibleydighanliqini bildürdi.

Katolik dini rehbiri türkiyeni ziyaret qildi

Watikan katolik dunyasining rehbiri, rim papasi bénédikt 16 türkiye jumhur re'isi ahmet nejdet sezerning resmiy teklipige bina'en ötken hepte enqere we istambul qatarliq jaylarda boldi, biraq uning bu ziyariti türklerning naraziliq namayishlirigha duch keldi. Watikan sepiri bu sepiri arqiliq islam dunyasi bilen xristiyan dunyasining munasiwitini yaxshilashni meqset qilghan iken.

Xitayda 15 diniy jemiyet ezasigha ölüm jazasi bérildi

Rim papasi turkiyini ziyaret qiliwatqan bu künlerde birleshme agéntliqining béyjingdin xewer qilishiche, xitayning xéylungjyang ölkisidiki 'senbenpurin' dégen a'iliwi dini teshkilatning murtliri sendung, jyangshi, sichu'en qatarliq 7 ölkige tereqqi qilip sani 500 minggha yetkende, xitay jama'et xewpsizlik ministirliqi 2004 ‏- yili bu teshkilatning 20 neper ezasi üstidin adem öltürgen', aldamchiliq qilghan' dégen jinayi nam bilen sotqa shikayet sun'ghan hemde 15 ademge ölüm höküm qilghan iken. Teywede musteqilliq xahishliri örlimekte

Amérika awazining xewer qilishiche, buyil 11 ‏- ayda teywen siyasi uniwérsitéti, yaponiyining okinawa uniwersitéti we xong kong uniwersitéti birlikte élip barghan ray sinashta 'teywen musteqil bolushi kérek' dep qaraydighan teywen puqralirining nisbiti bulturqi 59% tin 62% ke örligen. Musteqilliqni xalimaydighanlar bara-bara azaymaqta. Teywendiki musteqilliq xahishlirining ösüshi xitay chong quruqluq rehberlirini bi'aram qilmaqta.

Xitay olimpik yighinidin burun kishilik hoquq ehdinamisini testiqlishi mumkin

Xitay xelq qurultiyi 2008 - yili ötküzülidighan béyjing olimpik yighinidin burun xitay hökümiti 1998 - yili imzalighan, lékin xelq qurultiyi hazirghiche testiqlashni kéchiktürüp kelgen b d t " puqralar hoquqi we siyasiy hoquqi xelq'ara ehdinamisi" ni testiqlishi mumkin. Bezi küzetküchiler bu ehdinamining tesqitlashning özi bir ilgirilesh, dep qarisa, lékin bezi analizchilar bu ehdiname testiqlan'ghan teqdirdimu, lékin xitay kishilik hoquqi xatiriside chong özgirish bolmaydighanliqini bildürmekte. Xewerlerdin qarighanda, xitay 2008-yilliq olimpik yighinini ötküzüsh salahiyitini qolgha keltürüsh üchün kishilik hoquqni yaxshilashqa wede bergen iken.

Musteqil döletler hemdostluqining yighini échildi

Sowét ittipaqi yimirilgendin kéyin, meydan'gha kelgen musteqil döletler hem dostluqi gerche 15 yil waqitni bashtin kechürgen bolsimu, biraq bügünki künde u parchilinish xewpige duch kelmekte. Rusiye rehbiri mezkur teshkilatni islah qilishni, uning rolini kücheytishni teshebbus qilmaqta. Musteqil döletler hem dostluqigha eza bir qisim eller rehberliri bélorusiyige jem bolup, öz kélechikini muzakire qildi. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.