Һәптилик хәвәрләр (17-23-феврал)


2007-02-23
Share

Һәптилик хәвәрләр рабийә ханим әркинлик җәңчиси дәп тәрипләнди

Рабийә қадирниң хәлқара җәмийәттики тәсири ашмақта, 21- феврал кени америка деләт мәҗлиси кутупханиси вә америка дөләтлик демократийини илгири сүрүш фонди җәмийити тәрипидин, коммунистик түзүмгә қарши көрәш қилип ғәлибә қилған демократийә җәңчиси, чех җумһурийитиниң сабиқ президенти васлав хавәлни "демократийиниң тәрәққиятиға қошқан төһписи" үчүн мукапатлаш йиғини өткүзүлди.

Йиғинға дуня уйғур қурултийиниң рәиси рабийә қадир ханимму қатнашқан болуп, америка демократийини илгири сүрүш фондиниң башлиқи грәшман әпәнди рабийә ханимни тонуштурғандин кейин, у сөзгә чиқип, өзиниң васлав хавәлниң йолини давамлаштуруп, уйғурларниң демократик вә кишилик һоқуқлирини қолға кәлтүрүш үчен көрәш қилидиғанлиқини билдүрди.

Аслав хавел рабийә қадирни дунядики мәшһур сәккиз әркинлик җәңчисиниң бири дәп тәрипләп юқири баһа бәрди.

Д у қ рәһбәрлири түркийиниң юқири дәриҗилик рәһбәрлири билән сөһбәтләшти

Дуня уйғур қурултийи бир қисим дөләтләр һөкүмәтлири билән бир қатар учришиш паалийәтлири елип барди. Дуня уйғур қурултийиниң рәиси рабийә қадирниң йол йоруқиға бинаән, д у қ ниң түркийидә турушлуқ муавин рәиси сейит түмтүрк әпәнди башчилиқидики бир вәкилләр еммики 21 – феврал кени түркийә парламентиға берип, сабиқ ташқи ишлар министири яшар яқиш әпәнди, парламентниң муавин башлиқи садиқ яқут әпәнди қатарлиқ бир қисим муһим рәһбәрләр көрүшүп, уйғур мәсилиси һәққидә сөһбәт елип барди.

Хитайниң сабиқ рәһбири дең шав пиңниң өлүминиң он йиллиқи җимҗит өткүзүлди

Хитайниң сабиқ рәһбири дең шав пиң 1997-йили өлгән иди. Мана бу йил униң өлүмигә он йил тошти. Бирақ, учурлардин қариғанда, деңниң өлүминиң 10 йиллиқи җимҗит өткүзүлди. Хәвәрләргә қариғанда, һәр йил дең шав пиңниң өлүмини дағдуғилиқ мурасимлар билән хатириләйдиған хитайда бу йил һечқандақ мурасим өтүзүлмигән өткүзүлмигән.

Франсийә агентлиқиниң хәвәр қилишичә, пәқәтла дең шав пиңниң туғулған җайи болған сичуә|н өлкисиниң гуангән шәһиридә бир нәччә хатириләш мурасими өткүзүлгән.

Мавзедуңниң сиясий вә иқтисадий түзүлмисигә өзгәртиш киргүзгән дең шав пиң, 1997 - йили 19- феврал 92 яшта вапат болған.

Қирғизистанда мурат насироп хатириләнди

Қирғизистанда атақлиқ уйғур композитори вә нахшичиси мурат насиропниң 40 нәзириси берилди. Бу паалийәтни иттипақ уйғур җәмийити тәшкиллигән болуп, уйғур җамаити өзлириниң мәзкур мәшһур оғланиниң туюқсиз вапатидин толиму ечинған. Уйғурларниң "иттипақ" җәмийитиниң рәиси рози муһәммәд абдулбақи әпәнди мурат насиропниң уйғурларни тонуштурушта зор төһпә қошқанлиқини муәййәнләштүрди.

Мурат насироп 19-январ кени москвада сирлиқ һалда қаза қилған иди.

Икки мәдәнийәт әрбаби вапат болди

Мурат насиропниң вапатиға тәзийиләр билдүрүливатқан бу күнләрдә йәнә 19-феврал кени үрүмчи шәһиридә атақлиқ уйғур аваз вә телевизийә артиси, бир қанчә йиллардин буян еғир кесәлгә қарши көрәш қилип, кишиләргә һаятлиқини қәдирләш вә сөйүш, һаятқа үмидвар болуш тәрбийиси берип, кәң хәлқ арисида яхши тәсират қалдурған 40 яшлиқ мунәвәр абләт вапат болди. Арқидин 22- феврал кени көзгә көрүнгән, өткүр мулаһизә пикирлири билән уйғурларни тәрбийиләш йолида қәләм тәврәткән 43 яшлиқ әдип вә маарип паалийәтчиси мухтар қадир һонзадә мәкит наһийисидә туюқсиз вапат болди. Бу икки нәпәр яш мәдәнийәт әрбаблириниң өлүминиң уйғурлар җүмлидин яшлар арисида күчлүк қайғу инкаслири қозғиғанлиқи мәлум.

явропа иттипақи өзбекистан мәтбуат ишлириға ярдәм бәрмәкчи

Өзбекистан америка билән болған мунасивәтлирини йирикләштүрүп қойғандин буян явропа иттипақи билән болған мунасивәтни раваҗландуруп кәлмәктә.

явропа иттипақи өзбекистанниң "мәтбуат әркинлики" хизмитини яхшилаш үчүн иш башлиған болуп, явропа иттипақи бир милйон 300 миң доллар аҗритип, миңдин артуқ өзбекистанлиқ ахбарат хадими, һөкүмәт баянатчиси вә оқуғучиларни мәхсус тәрбийиләп беридикән.

Учурлардин қариғанда, явропа иттипақиниң өзбекистан билән болған һәмкарлиқлири раваҗлинишқа әгишип, вашингтондики америка авази радиосиниң өзбек тилида аңлитиш бөлүми әмәлдин қалдурулуш қарар қилинған.

Америка муавин президенти дик ченй японийә вә австралийини зиярәт қилди

Америкиниң муавин президенти дик чейнй өткән һәптидә японийә вә австралийини зиярәт қилди. У японийә баш вәзири шинзо аби билән чаршәнбә кени токйода сөһбәтләшкәндә икки дөләтниң хитайниң һәрбий хамчотни ашуруш мәсилисиниң уларниң диққитини қозғаватқанлиқини билдүрди.

Шуниңдәк японийә билән америка икки тәрәп ортақ йосунда, хитайниң һава мудапиә кечини тез сүрәттә ашуруш мәсилисини көзитиш һәмкарлиқи орнитишқа қошулған.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт