Pakistanda jüme küni yene partlash weqesi yüz berdi


2007-07-20
Share

Pakistan da'irilirining qizil meschittiki taliplarni basturush herikitidin öch élishni meqset qilghan partlash weqelirining ayighi üzülmey yüz bermekte. Jüme küni shimaliy waziristanda partlash weqesi yüz bérip, 4 adem öldi 6 si yarilandi . Shu künki partlash shimali waziristanning qebililer rayonidiki pakistan armiyisining bir qarawulxanisida yüz bergen.

Buningdin bir kün burun yeni peyshenbe küni yüz bergen 3 qétimliq partlash weqeside, az dégende 52 adem ölüp, nechche onlighan kishiler yarilan'ghan idi. Bu partlash weqelirining ichide jenubiy bélujistanning xub bazirida yüz bergen partlash weqeside eng köp adem öldi. Eyni chaghda bomba qachilan'ghan bir aptomobil shu rayondiki bir qurulush insha'atida ishlewatqan xitay ishchilarning mashinisi yénigha kélip partlighan bolup, weqede xitaylarni qoghdap mangghan 7 neper saqchi we 22 neper yoluchi ölgen. Lékin xitaylarning teliyige ulardin köp adem chiqim bolmidi. Yene bir partlash weqesi pakistanning sherqiy shimalidiki bir saqchi mektepke qarita élip bérildi. Shu künki 3 - partlash weqesi afghanistan chégrisidiki pakistan armiyisining bir meschitide yüz bergen.

Pakistan metbu'atlirining xewer qilishiche, perwiz musherrep qizil meschittiki taliplarni basturush herikitini xitayning bésimi astida élip barghan bolushi mumkin. Chünki qizil meschit hujumgha uchrashtin burun taliplar islam'abadtiki bir xitay pahishixanisigha bésip kirip, 6 xitay pahishe we bir xitay erkekni görüge tutqan. Gerche görüdikiler kéyinche qoyup bérilgen bolsimu, lékin xitay hökümiti pakistan ichki ishlar ministiri aptap xan sherponi béyjinggha chaqirtip, qizil meschittiki taliplarni jazalashni telep qilghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet