Idris hesenning soti yene kéchiktürüldi

Ixtiyariy muxbirimiz azigh
2021-09-24
Share
Idris hesenning soti yene kéchiktürüldi Istanbuldin uchup kasablanka xelq'araliq ayrodromigha barghanda marakesh da'iriliri teripidin tutqun qilghan idris hesen türkiyediki waqtida perzenti bilen. (Waqti éniq emes)
RFA/Azigh

Marakeshte xitayning telipi bilen qolgha élin'ghan kompyutér inzhénéri idris hesen ikki aydin buyan marakesh da'iriliri teripidin tutup turulmaqta. Idris hesenning soti marakesh edliye tarmaqliri teripidin bir qanche qétim kéchiktürülgen idi. Eng axirqi qétimqi sot 22-séntebir küni échilghan bolup, idris hesenning adwokatliri "Uyghur yar" fondi jiddiy qutquzush türining mes'ullirigha idris hesenning sotining yene kéchiktürügenlikini bildürgen.

Biz tepsiliy melumat igilesh üchün marakeshning istanbuldiki bash konsulxanisigha qayta-qayta téléfun qilghan bolsaqmu, téléfunimiz élinmidi.

Idris hesen marakeshke méngishtin burun perzentlirige charwa-mallarni körsitiwatqan körünüsh. 2021-Yili iyul, türkiye.
Idris hesen marakeshke méngishtin burun perzentlirige charwa-mallarni körsitiwatqan körünüsh. 2021-Yili iyul, türkiye.

Idris hesenning adwokatlirining "Uyghur yar" fondi mes'ullirigha bildürüshiche, alaqidar organlar we adwokatlar xitay hökümiti ewetken eyibnamilerni körüp chiqiwatqan bolup, xitay hökümiti ewetken eyibnamilerde idris hesen atalmish "Térroluq" jinayiti bilen eyiblen'gen.

"Uyghur yar" fondi jiddiy qutquzush türining mes'ulliridin batur qaraxan ependi ziyaritimizni qubul qilip, xitay hökümitining idris hesen'ge artqan jinayetler we uning mahiyiti heqqide toxtaldi.

Idris hesenning ayali buzeynur xanim ziyaritimizni qobul qilip, sotning kéchiktürülüshige bolghan köz qarashlirini biz bilen ortaqlashti.

Idris hesenning tunji soti 12-awghust küni échilghan bolup, her xil sewebler bilen marakesh edliye tarmaqliri sotni töt qétim kéchiktürgen. Idris hesenning xelq'ara saqchi teshkilatining qizil tashliq tutush buyriqida ismi bolghanliqi seweplik tutulghanliqi melum. Idris hesen üstidiki tutush buyruqi birleshken döletler teshkilati kishilik hoquq komitéti we xelq'ara kishilik hoquq organlirining tirishchanliqi netijiside emeldin qalghan idi. Nöwette xelqara saqchi teshkilati teripidin chiqirilghan tutush buyruqi bolmisimu, emma marakesh sot mehkimisi idris hesenning délosi heqqide axiriqi qararni chiqirishni dawamliq kéchiktümekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet