Qirghizistandiki Uyghur xanim-qizlar ikki jumhuriyet bayrimida milliy armiye jengchisini tebriklidi

Ixtiyariy muxbirimiz féruze
2021.11.12
Share on WhatsApp
Share on WhatsApp
Qirghizistandiki Uyghur xanim-qizlar ikki jumhuriyet bayrimida milliy armiye jengchisini tebriklidi Qirghizistandiki Uyghur xanim-qizlar milliy armiye jengchisi ablimit bekri, shundaqla qirghizistanda turushluq uning sepdashlirining ewladlirini 12-noyabir küni ziyaret qilip ikki jumhuriyet bayrimi bilen tebriklidi.
RFA/Féruze

Qirghizistandiki Uyghur xanim-qizlar milliy armiye jengchisi ablimit bekri, shundaqla qirghizistanda turushluq uning sepdashlirining ewladlirini 12-noyabir küni ziyaret qilip ikki jumhuriyet bayrimi bilen tebriklidi.

Melum bolushiche, hazirqi zaman tarixida Uyghur xelqi milliy küresh qilip 1933-yili 12-noyabir küni qeshqerde sabit damolla bash ministirliqi, xoja niyaz haji re'islikide we 1944-yili 12-noyabir küni ghulja shehiride ikki qétim öz jumhuriyetlirini qurghanidi. Yillarning ötüshi bilen, shu dewirlirining guwahchiliri azlap ketmekte.

Qirghizistandiki Uyghur xanim-qizlar milliy armiye jengchisi ablimit bekri, shundaqla qirghizistanda turushluq uning sepdashlirining ewladlirini 12-noyabir küni ziyaret qilip ikki jumhuriyet bayrimi bilen tebriklidi.

Qirghizistan Uyghurliri “Ittipaq” jem'iyiti her yili bu bayramni xatirilep jama'et ichide murasim uyushturup, jengchilerni teklip qilip ulargha hörmet bildürüp we sowghatlar tapshuratti. Igilinishiche bu yilliq ikki jumhuriyet bayrimini xatirilesh murasimi dunya Uyghur qurultiyining 7-nöwetlik qurultiyining échilishigha baghliq bolup bashqa küni xatirilinidiken. Shu sewebtin nowopokrowka yéziliq kéngishining ezasi gülbostan ansarowaning teshebbusida qirghizistan Uyghurliri “Ittipaq” jem'iyitining ayallar kéngishi 1945-yilidiki sherqiy türkistan milliy armiyesi jengchisi ablimit bekrini ziyaret qilip ikki jumhuriyet bayrimi bilen tebriklidi. Radiyomiz ziyaritini qobul qilghan “Ittipaq” jem'iyitining ayallar kéngishining re'isi tursun'ay islam Uyghur yashlar öz tarixigha köngül bölüwatqanliqi ularning wetensöyerlikining bir ispati dep tekitlidi.

1990-Yillarda qirghizistanda 1944-1949-yilliridiki inqilabqa qatnashqan jengchi-ofitsérlardin 200 din artuq kishi bar idi. Hazir ularning hemmisi dégüdek wapat bolup, peqet bir qanche kishila hayat qaldi. Ablimit bekri shularning biri idi. Sherqiy türkistan milliy armiye jengchiliri we inqilab qatnashquchiliri qirghizistanda Uyghur dawasini qilidighan, Uyghur xelqi üchün xizmet körsitidighan wetenperwer balilarni terbiyeleshke hesse qoshqanidi. Hetta ularning bezilirining perzentliri hazir Uyghurlarning aktiplirigha aylan'ghan. Ularning qatarida inqilab rehberliridin exmetjan qasimining ishxanisida katipliq xizmetlirini atqurghan we exmetjan qasimi bilen birge qaza qilghan abduréshit iminning oghli pelsepe penlirini kandidat doktori “Ittipaq” gézitining muherriri ekberjan bawudun, milliy armiye jengchisi tömürchin qasimining oghli “Ittipaq” jem'iyitining re'isi esqer qasimi, milliy armiye jengchisi shamamet sarihajining oghli “Ittipaq” jem'iyitining aq saqallar kéngishining ezasi shayaxmet sarihaji, milliy armiye jengchisi ghilajidin iminning qizi “Ittipaq” jem'iyitining ayallar kéngishining ezasi we din-pen oqutquchisi zulpiye ghlajidin, milliy armiye jengchisi islam qasimining qizi “Ittipaq” jem'iyitining ayallar kéngishining re'isi tursun'ay islam we bashqilarmu bar.

Bu qétimqi milliy armiye jengchisini yoqlash pa'aliyitini teshkilligüchiliridin biri bolghan lébédinowka yéziliq jama'itining ayallar kéngishining ezasi qeminur lobanuwa, bu tiptiki pa'aliyetler wetenperwerlik rohini kücheytidighanliqini tekitlidi.

Wostok yézisining Uyghur jama'itining körünerlik pa'aliyetchisi, milliy armiye jengchisi ghlajidin iminning qizi zulpiye ghilajidin, öz eslimilirini ikki jumhuriyet bayrimi bilen tebriklep kélgen xanimlar bilen ortaqlashti.

Resmiy melumatlargha asaslan'ghanda qirghizistanda 60 ming etrapida Uyghur ahalisi yashaydu. Ular qirghizistanning her tereplirige tarqalghan؛ ular asasliqi bishkek shehiri etrapi, jalal abad we osh wilayetlirige, shundaqla issiq köl wilayitidiki qaraqol shehiri we uning etraplirigha tarqalghan. Yene birqisim Uyghurlar narin wilayitidimu orunlashqan, lékin ularning köpinchisi 1930-yilliri sabiq sowét ittipaqining basturush siyasiti mezgilliride qirghiz xelqige assimilyatsiye bolup ketken. Uyghur xelqining “Hazirqi tarixi” ning guwahchilirining xéli köp qismi 1960-yilliri Uyghur diyaridin köchüp chiqqanlar we ularning ewladliridur. Ular asasliqi bishkek shehiri we uning etrapidiki yézilargha orunlashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet