Голландийәдә шәрқий түркистан җумһурийәт күнини хатириләш намайиши өткүзүлди

Ихтиярий мухбиримиз уйғурай
2021-11-12
Share
Голландийәдә шәрқий түркистан җумһурийәт күнини хатириләш намайиши өткүзүлди Икки җумһурийәтниң қурулғанлиқини хатириләш вә 2022-йили хитайда өткүзүлмәкчи болған қишлиқ олимпик тәнһәрикәт мусабиқисини байқут қилиш мәқситидә өткүзүлгән намайиш. 2021-Йили 12-ноябир, голландийә.
RFA/Uyghur'ay

12-Ноябир күни дәнхаг шәһиридики голландийә ташқий ишлар министирлиқи бинаси алдида голландийә шәрқий түркистан тәшкилатлар иттипақиниң орунлаштуруши билән тарихтики икки җумһурийәтниң қурулғанлиқини хатириләш вә 2022-йили хитайда өткүзүлмәкчи болған қишлиқ олимпик тәнһәрикәт мусабиқисини байқут қилиш мәқситидә намайиш өткүзүлди.

Мәзкур намайиш голландийә вақти саәт 10 башланди. Намайишқа қатнашқучилар ай-юлтузлуқ көк байрақларни ләпилдитип, икки қетимлиқ шәрқий түркистан җумһурийити қурулған улуғ тарихий күндә, өзлириниң азадлиққа болған арзуси вә ирадисини ипадилигән. Намайиш наһайити қизғин давамлашқан болуп, намайишчилар җараңлиқ авазда шуар товлап, хитай консулханисиға пиядә йүрүш қилған, бу арқилиқ хитай һөкүмитигә болған нәприти вә наразилиқини билдүргән.

Икки җумһурийәтниң қурулғанлиқини хатириләш вә 2022-йили хитайда өткүзүлмәкчи болған қишлиқ олимпик тәнһәрикәт мусабиқисини байқут қилиш мәқситидә өткүзүлгән намайиш. 2021-Йили 12-ноябир, голландийә.

Радийомиз зияритини қобул қилған голландийә шәрқий түркистан тәшкилатлар иттипақиниң әзаси абдусалам нияз әпәнди, бу қетимқи намайишниң наһайити әһмийәтлик болғанлиқини, өзлириниң хитай һөкүмитигә болған ғәзәп-нәпритини ипадиләш арқилиқ икки қетимлиқ шәрқий түркистан җумһурийити қурулған хатирә күнни әһмийәтлик рәвиштә хатирилигәнликини билдүрди.

Униң ейтишичә, бу қетимқи намайишта 2022-йили хитайда өткүзүлидиған қишлиқ олимпик мусабиқисини байқут қилиш чақириқиму оттуриға қоюлған.

Биз бу қетимлиқ намайиш һәққидә голландийә шәрқий түркистан тәшкилатлар иттипақиниң рәиси обулқасим аблиз әпәндини зиярәт қилдуқ. У тарихтики ‍икки қетимлиқ шәрқий түркистан җумһурийәтлирини хатириләш паалийитиниң әһмийити һәққидә тохталди.

Уйғурлар 20-әсирниң алдинқи йеримида қанлиқ миллий азадлиқ инқилаби елип берип, 1933-йили қәшқәрдә вә 1944-йили ғулҗада икки қетим мустәқил шәрқий түркистан җумһурийәтлириини җакарлиған иди.

Тарихтики икки қетимлиқ шәрқий түркистан җумһурийити гәрчә ичкий-ташқий күчләрниң бесими нәтиҗисидә узунғичә мәвҗут болуп туралмиған болсиму, әмма дуняниң һәр қайси җайлиридики уйғурлар бу тарихий күнни йиллардин буян изчил хатириләп, миллий азадлиқ үчүн қан төккән қәһриманларни хатириләп кәлмәктә.

Абдусалам нияз әпәндиниң ейтишичә, голландийәдә бу намайиштин башқа йәнә “җумһурийәт байрими” ни хатириләш йүзисидин бир қанчә паалийәтләрму өткүзүлидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт